Sony компани PlayStation Plus үйлчилгээнийхээ каталогийг ирэх тавдугаар сард баяжуулах шинэ тоглоомуудын жагсаалтыг зарлалаа. Энэ удаагийн гол онцлох бүтээлүүд бол Star Wars Outlaws болон өмнө нь хасагдаж байсан ч дахин эргэн ирж буй Red Dead Redemption 2 юм.
Энэ сард нийт найман тоглоом нэмэгдэх бөгөөд тэдгээрийн долоог нь PlayStation Plus Extra болон Premium багцын хэрэглэгчид тоглох боломжтой. Тодруулбал, каталогид дараах тоглоомууд нэмэгдэнэ:
- Bramble: The Mountain King
- The Thaumaturge
- Flintlock: The Siege of Dawn
- Broken Sword – Shadows of the Templar: Reforged
- Enotria: The Last Song
Харин хамгийн дээд буюу PlayStation Plus Premium багцын хэрэглэгчдэд зориулж сонгодог аркад шутер (буудлагат) тоглоом болох Time Crisis-ыг тусад нь нэмэхээр болжээ.
Дээрх тоглоомууд тавдугаар сарын 19-нөөс эхлэн тоглогчдод нээлттэй болно. Үүнээс гадна Sony компани энэ сарын үнэгүй тоглоомууд болох EA Sports FC 26, Nine Sols болон Wuchang: Fallen Features бүтээлүүдийг сандаа нэмж амжаагүй хэрэглэгчдэдээ хугацаа дуусахаас өмнө амжиж авахыг санууллаа.
