Шинэчлэгдсэн HLTV чансаа: “The MongolZ” дэлхийн шилдэг 10 багийн эгнээнд эргэн ирлээ

Цахим спортын тэргүүлэгч “HLTV” портал 2026 оны 11 дүгээр сарын 9-ний өдрийн байдлаарх “Counter-Strike 2”-ын дэлхийн шилдэг багуудын долоо хоног тутмын шинэчилсэн чансааг нийтэллээ.

Дэлхийн чансааны нэгдүгээр байрт “IEM Beijing 2026” тэмцээнд нэг ч map алдалгүй түрүүлсэн “MOUZ” баг гурван байр ахин, 912 оноотойгоор бичигдэв. Тэд хамгийн сүүлд 2024 оны 6 дугаар сард дэлхийн чансааг тэргүүлж байсан юм. Харин хоёрдугаар байрт “FURIA” (910 оноо, -1), гуравдугаар байрт “Vitality” (836 оноо, -1), дөрөвдүгээр байрт “Spirit” (777 оноо, -1) бичигдсэн бол шилдэг тавын сүүлчийг “Aurora” (552 оноо) хаалаа.

Чансааны зургаадугаар байрыг “Falcons” (477 оноо), долоодугаар байрыг “BetBoom Team” (439 оноо) тус тус хадгалж үлджээ. Мөн Бээжингийн тэмцээнд амжилттай тоглосон “Natus Vincere” баг хоёр байр ахиж 412 оноотойгоор 8 дугаар байрт жагссан бол есдүгээр байрт “FUT Esports” (361 оноо, -1) эрэмбэлэгдсэн байна.

Энэхүү шинэчлэлтийн хамгийн өндөр үсрэлтийг Монголын “The MongolZ” баг хийж, “IEM Beijing 2026” тэмцээний финалд шалгарснаар чансаагаа даруй таван байраар ахиулан (324 оноотой), дэлхийн шилдэг 10 багийн жагсаалтад эргэн орж ирлээ. Энэ нь шилдэг 10 баг дундаа хамгийн өндөр ахиц гаргасан үзүүлэлт болов.

HLTV-ийн дэлхийн шилдэг 10 баг (2026 оны 11 дүгээр сарын 9):

1. MOUZ — 912 оноо (+3)
2. FURIA — 910 оноо (-1)
3. Vitality — 836 оноо (-1)
4. Spirit — 777 оноо (-1)
5. Aurora — 552 оноо
6. Falcons — 477 оноо
7. BetBoom Team — 439 оноо
8. Natus Vincere — 412 оноо (+2)
9. FUT Esports — 361 оноо (-1)
10. The MongolZ — 324 оноо (+5)