“Santa Monica Studio” компани “God of War: Laufey” тоглоомын худалдаанд гарах товыг өөрчилснөө албан ёсоор мэдэгдлээ. Анх 2027 оны хоёрдугаар сард гарахаар төлөвлөгдөж байсан “PlayStation 5” консолын онцгой (exclusive) уг бүтээлийн нээлтийг 2027 оны тавдугаар сарын 20-ны өдөр хүртэл хойшлуулсан байна.
Хөгжүүлэгчид албан ёсны мэдэгдэлдээ тоглоомыг бүрэн төгөлдөржүүлж, бүтээлийнхээ боломжит дээд түвшин, нөөц бололцоог бүрэн гаргахын тулд нэмэлт хугацаа шаардлагатай болсон хэмээн тайлбарлажээ.
“God of War: Laufey” нь уг алдарт франчайзын дараагийн шинэ бүлэг бөгөөд тоглогчид анх удаа Кратосыг бус, харин түүний эхнэр Фэйг удирдан тоглох юм. Зохиолын хувьд тэрээр нас барсныхаа дараа “Everywhen” хэмээх нууцлаг ертөнцөд очих бөгөөд нөхөр болон өөрийн хүү Атрейг аврахын тулд тус ертөнцийн бурхадтай тулалдахаар үйл явдал өрнөнө.
