Монголын цахим спортын шилдэг багуудын нэг “The MongolZ”-ийн тоглогч, “910” нэрээр танигдсан Б.Өсөхбаяр өнгөрсөн зун найз бүсгүйтэйгээ хамт олны дуранд өртсөн байна. Олон улсын тэмцээнүүдэд амжилттай оролцож буй залуу тамирчны хувийн амьдралын нэгэн хэсэг ийнхүү олны анхааралд өртжээ.
Банзрагчийн Өсөхбаяр 2002 оны долдугаар сарын 5-нд төрсөн бөгөөд өдгөө 24 настай. Тэрбээр Counter-Strike 2 (CS2) тоглоомын мэргэн буудагч буюу AWP-ийн байрлалд тоглодог бөгөөд оновчтой буудалт, тоглолтын шийдвэрлэх мөчүүдэд гаргадаг ур чадвараараа танигдсан юм.
2023 оноос “The MongolZ” багийн бүрэлдэхүүнд тоглож байна
Б.Өсөхбаяр 2022 онд цахим спортын мэргэжлийн тоглогчийн замналаа эхлүүлж, 2023 онд “The MongolZ” багт нэгдсэн байна. Түүнээс хойш багийнхаа хамтаар олон улсын томоохон тэмцээнүүдэд өрсөлдөж, Монголын цахим спортын амжилтад хувь нэмрээ оруулсаар иржээ. Тоглоомын ертөнцөд “910” нэрээр алдаршсан тэрбээр багийнхаа мэргэн буудагчийн үүргийг гүйцэтгэж, өндөр түвшний өрсөлдөөнд ур чадвараа харуулж буй залуу тамирчдын нэг юм.
Дэлхийн томоохон тэмцээнүүдээс аварга, дэд аваргын амжилт үзүүлжээ
“The MongolZ” багийн хувьд 2025 он олон улсын тавцанд онцлох амжилт гаргасан жил болсон. Тухайлбал, тус баг Esports World Cup 2025 тэмцээнд түрүүлж, дэлхийн аваргын цом хүртсэн билээ.
Мөн 2025 оны BLAST.tv Austin Major тэмцээнд дэлхийн шилдэг багуудтай өрсөлдөн, мөнгөн медаль хүртсэн нь Монголын цахим спортын түүхэнд тэмдэглэгдэх амжилтуудын нэг болсон юм. Эдгээр тэмцээнд багийнхаа хамтаар амжилт гаргасан Б.Өсөхбаяр өдгөө Монголын цахим спортын салбарт олон улсын түвшинд танигдсан залуу тоглогчдын нэг болжээ.
2 comments
Манай 910 ч мундаг залуу шүү, сайн тоглодог, одоо бүр хөөрхөн найз охинтой болчихсон байна
Залуу хүн байна даа, найз охинтой байлгүй яахав