“IEM Cologne Major 2026” тэмцээний гуравдугаар шатны (Stage 3) дөрөв дэх тойргийн тоглолтууд өндөрлөлөө. Өнөөдрийн ширүүн тулаануудын үр дүнд гурван баг плей-оффын шатанд шалгарах эрхээ авсан бол, мөн адил гурван баг тэмцээнийг албан ёсоор орхив.
Хэсгийн тоглолтыг 3-1 гэсэн итгэлтэй амжилтаар дуусгаж, плей-оффын эрхээ авсан багуудаар Vitality, Aurora болон Falcons тус тус шалгарлаа. Харин 1-3 гэсэн үзүүлэлттэй болсон MOUZ, Monte болон Legacy багуудын хувьд Кёльний аялал үүгээр өндөрлөж байна.
Тоглолтуудын үр дүн
2-1 бүлэг (Плей-оффын эрхийн төлөөх тулаанууд)
- BB Team 0:2 Vitality (Overpass — 8:13, Nuke — 11:13)
- Aurora 2:0 9z (Nuke — 13:1, Dust2 — 13:5)
- Natus Vincere 1:2 Falcons (Dust2 — 3:13, Mirage — 13:7, Anubis — 16:19)
1-2 бүлэг (Тэмцээнээс хасагдах эгзэгтэй тулаанууд)
- MOUZ 1:2 FUT (Ancient — 11:13, Nuke — 13:10, Mirage — 7:13)
- The MongolZ 2:1 Monte (Nuke — 9:13, Inferno — 13:7, Dust2 — 13:11)
- G2 2:0 Legacy (Dust2 — 13:7, Overpass — 13:4)
Манай багийн байрдал: The MongolZ тэмцээнд үлдэж чадлаа!
Манай The MongolZ баг Украины “Monte” багийн эсрэг үхэх үү, сэхэх үү гэсэн туйлын хариуцлагатай тулааныг хийж, 2:1 харьцаатайгаар чухал ялалт байгууллаа. Залуус маань эхний Nuke зураг дээр 9:13-аар бүдэрсэн ч сэтгэл зүйгээ барьж, Inferno дээр 13:7, шийдвэрлэх Dust2 зураг дээр 13:11-ээр өрсөлдөгчөө буулган авч чадсан юм. Ингэснээр тэд 2-2 бүлэг рүү шилжиж, плей-оффын эрхийн төлөөх эцсийн шийдвэрлэх тоглолтыг хийхээр боллоо.
Тэмцээний тухай товчхон
“IEM Cologne Major 2026” тэмцээн 6 дугаар сарын 2-ноос 21-ний өдрүүдэд Германы Кёльн хотноо амжилттай зохион байгуулагдаж байна. Тэмцээний нийт шагналын сан 1.25 сая ам.доллар бөгөөд манай баг тамирчид уламжлал ёсоор 1xBet Mongolia платформын албан ёсны дэмжлэгтэйгээр өрсөлдөж байна.
