“Vitality” багийн ахлагч Дэн «apEX» Мадесклер “CS2” төрлийн “BLAST Rivals 2026 Season 2” тэмцээний оноолт тодорхойлох тоглолтод “FURIA”-д хожигдсоныхоо дараа сэтгэл хөдлөлөө илэрхийллээ. Франц тоглогч “X” нийгмийн сүлжээнд нийтэлсэн зурвастаа өөрийн тоглолтод маш их сэтгэл дундуур байгаагаа хүлээн зөвшөөрч, багийнхныхаа итгэлийг алдсан мэт санагдаж буйгаа хуваалцжээ.
«Би маш их сэтгэл дундуур байна. Өнөөдөр би урьд өмнө хэзээ ч байгаагүйгээр самгардаж, тэвдлээ. Багийнхныхаа итгэлийг алдсандаа үнэхээр их шаналж байна. “FURIA”-д ялалт байгуулсанд баяр хүргэе. Маргааш илүү сайн тоглож чадна гэж найдаж байна» хэмээн тэрээр бичсэн байна.
Түүний ийнхүү хэлэх болсон шалтгаан нь шийдвэрлэх “Mirage” map дээрх тун тааруу тоглолт байв. “Vitality” баг тус цувралд “FURIA”-д 1:2 харьцаатайгаар ялагдсан бөгөөд сүүлийн map-д 0:13 гэсэн бут ниргүүлсэн үр дүнгээр хожигдсон юм. Харин apEX өөрөө уг map-ыг 1/13 гэсэн K/D (аллага/үхэл) үзүүлэлт болон 0.16 рейтингтэйгээр өндөрлүүлсэн нь Франц ахлагчийн карьер дахь хамгийн муу үзүүлэлт болжээ.
