2026 оны 7-р сарын 30-ны орой Helldivers 2-ийн хөгжүүлэгчид Warhammer 40,000-тэй хийж буй хамтын ажиллагааны бүрэн хэмжээний трейлерийг танилцууллаа. Тусгай сэдэвчилсэн legendary Warbond 8-р сарын 12-нд тоглоомд нээлттэй болно.
Kasrkin-аас санаа авсан хуяг, шинэ зэвсгүүд нэмэгдэнэ
Шинэ багцад Warhammer 40,000-ийн элит дайчид болох Kasrkin-уудаас санаа авсан хоёр төрлийн хуяг багтана. Мөн дөрвөн шинэ зэвсэг нэмэгдэх юм. Үүнд Hot-Shot снайпер лазер винтов, bolt pistol, meltagun болон melta mine оржээ.
Meltagun нь support weapon хэлбэрээр гарах бөгөөд тоглогчид үүнийг stratagem ашиглан дуудах боломжтой байна.
True Grit пассив эффект орно
Warbond-д мөн True Grit нэртэй пассив эффект, хоёр туг, хоёр нөмрөг, тусгай title болон техник хэрэгсэлд зориулсан сэдэвчилсэн өнгөний загварууд багтана.
True Grit бонус нь зэвсгийн удирдлагыг 20 нэгжээр сайжруулж, support weapon-ийн цэнэглэлтийг 30 хувиар хурдасгах аж.
Helldivers 2 болон Warhammer 40,000-ийн хамтын ажиллагааг анх 2026 оны 5-р сард болсон Warhammer Skulls фестивалийн үеэр зарлаж байсан. Тухайн үед хөгжүүлэгчид зөвхөн богино тизер үзүүлж, багцын агуулга болон гарах огноог тодруулаагүй байв.
