Цахим спортын “Counter-Strike 2” (CS2) сонирхогчдын хүсэн хүлээж буй “BLAST Bounty Summer 2026” тэмцээний албан ёсны тов зарлагдлаа. Уг томоохон хэмжээний арга хэмжээ нь энэ оны 7 дугаар сарын 21-нээс 8 дугаар сарын 2-ны өдрүүдэд Европ тивд зохион байгуулагдах гэж байна.
Тэмцээний үе шат болон зохион байгуулалт
Энэхүү тэмцээнд дэлхийн бүс нутгуудын хамгийн шилдэг 32 баг цугларан өрсөлдөх бөгөөд нийт хоёр үндсэн үе шаттайгаар аваргаа тодруулах юм.
Тэмцээний бүтцийг задалбал:
- Урьдчилсан шат: 7 дугаар сарын 21-нээс 26-ны өдрүүдэд явагдана. Нийт 32 баг хасагдах шатны зарчмаар өрсөлдөж, хамгийн өндөр амжилт үзүүлсэн шилдэг 8 баг дараагийн шатанд үлдэх эрхээ авна.
- Үндсэн шат буюу Шөвгийн найм: 7 дугаар сарын 26-наас эхлэн Мальта улсын Аттард (Attard) хотод байрлах “BLAST Arena” студид үргэлжилнэ. Аваргын төлөөх шийдвэрлэх тоглолт 8 дугаар сарын 2-нд болно.
“The MongolZ” багийн урилга болон өрсөлдөгчид
Манай улсын тэргүүлэгч “The MongolZ” баг 6 дугаар сарын дэлхийн чансааны оноонд үндэслэн энэхүү нэр хүндтэй тэмцээнд шууд уригдан оролцох эрхээ баталгаажуулаад байна. Одоогийн байдлаар дэлхийн шилдэг багуудын жагсаалтын 7 дугаар байрт эрэмбэлэгдэж буй “The MongolZ” багийн албан ёсны ивээн тэтгэгчээр “1xBet” компани ажилладаг билээ. Одоогоор тэмцээний нийт шагналын сан болон тоглолтуудын нарийвчилсан хуваарь эцэслэн гараагүй байна.
Зуны амралтын хугацаа дууссаны дараах анхны томоохон сорилт болох энэхүү тэмцээнд дэлхийн шилдгүүд хуран чуулна. Оролцох нь тодорхой болсон онцлох багуудаас дурдвал:
- “The MongolZ”
- “FURIA“
- “Team Spirit“
- “Team Vitality“
- “MOUZ“
- “Team Falcons”
- “Natus Vincere“
- “FaZe Clan“
