Монголын авьяаслаг тамирчин эцэст нь өөрийн байнгын багтаа албан ёсоор нэгдэж чадлаа. Цахим спортын BC.Game байгууллага The MongolZ багаас Азбаяр “Senzu” Мөнхболдыг албан ёсны, байнгын гэрээгээр өөрийн эгнээндээ нэгтгэснээ олон нийтэд зарлав.
Түрээсийн гэрээнээс байнгын тоглогч хүртэл
Монголын шилдэг буудлагач өнгөрөгч дөрөвдүгээр сард тус багт түрээсийн гэрээгээр нэгдсэн билээ. Энэ хугацаандаа тэрээр IEM Atlanta болон CS Asia Championship зэрэг томоохон тэмцээнүүдэд оролцсон хэдий ч, аль алинд нь BC.Game баг амжилт олж, ялалт байгуулж чадаагүй юм.
Сонирхолтой нь, дөнгөж өнгөрсөн даваа гарагт тус багийн зүгээс Монгол тоглогчийн түрээсийн хугацаа дуусч, багаас явж байгаа тухай зарлаад байсан бол өдгөө 19 настай түүнтэй ийнхүү байнгын гэрээг үзэглэж, багтаа жинхэлж байна.
Багийн цаашдын сорилт ба одоогийн бүрэлдэхүүн
Хэдийгээр Senzu-г багтаа бүрмөсөн авсан ч, одоогийн бүрэлдэхүүнээрээ тэд хамтдаа ердөө дөрөвхөн албан ёсны тоглолт хийсэн тул VRS (Valve Regional Standings) буюу дэлхийн чансааны зэрэглэлгүй хэвээр байгаа юм. Иймд тэд цаашид дараах хоёр сонголтын нэгийг хийх шаардлагатай нүүр тулж байна:
- Нээлттэй шалгаруулалтын тэмцээнүүдэд оролцож эрхээ авах
- Эсвэл сэлгээнд байгаа тоглогчдынхоо аль нэгтэй хамтран тоглох
BC.Game багийн одоогийн албан ёсны бүрэлдэхүүн:
- Олександыр “s1mple” Костылёв
- Денис “electroNic” Шарипов
- Азбаяр “Senzu” Мөнхболд
- Виктор “TaZ” Войтас (Ерөнхий дасгалжуулагч)
- Кристофер “MUTiRiS” Фернандес (Сэлгээнд)
- Антонио “aragornN” Барбоза (Сэлгээнд)
- Адонес “krazy” Нобре (Сэлгээнд)
