BC.Game баг “The MongolZ” багийн тоглогч Senzu-г зээлээр авч, үндсэн бүрэлдэхүүнийхээ дөрөв дэх тоглогчоор нэгтгэж буйгаа албан ёсоор зарлав. Үүний зэрэгцээ, ScrunK ойрын хоёр тэмцээнд багийн бүрэлдэхүүнд орлон тоглогчоор (stand-in) оролцохоор болжээ. Senzu өнгөрсөн хоёрдугаар сараас хойш “Passion UA” багийг төлөөлөн тоглож байсан бөгөөд 1.21 гэсэн хувийн өндөр үзүүлэлттэй байсан ч багийнхаа амжилтыг тогтворжуулж чадаагүй юм.
Шинэчлэгдсэн бүрэлдэхүүний анхны тоглолт 5 дугаар сарын 11-нд болох “IEM Atlanta” тэмцээн байх бөгөөд үүний дараа баг Хятад улсыг зорьж, “CS Asia Championships“-т өрсөлдөхөөр төлөвлөж байна.
BC.Game багийн бүрэлдэхүүн:
- s1mple
- electroNic
- krazy
- Senzu
- ScrunK — орлон тоглогч
- TaZ — дасгалжуулагч
Senzu “Passion UA” багт очихоосоо өмнө манай “The MongolZ” багийн бүрэлдэхүүнд удаан хугацаанд хүчин зүтгэсэн билээ. Тэрээр “1xBet Монгол”-ын дэмжлэгтэйгээр “Esports World Cup 2025” хэмээх дэлхийн хэмжээний нүсэр тэмцээнд түрүүлж, түүхэн амжилт байгуулж байсан туршлагатай тоглогч юм.
