Их Британийн шилдэг тактикч IEM Cologne Major тэмцээний 3-р шатанд Monte багийг амжилттай удирдсаныхаа дараа шинэ багийн ахлагчаар очиход тун ойрхон болоод байна.
HLTV-д ирсэн хэд хэдэн эх сурвалжийн мэдээлж буйгаар, 100 Thieves байгууллага Jack “Gizmy” von Spreckelsen-ийг эгнээндээ нэгтгэхээр Monte багтай идэвхтэй хэлэлцээр өрнүүлж эхэлжээ.
Хэрэв талууд тохиролцоонд хүрч энэхүү шилжилт амжилттай хэрэгжвэл дараах өөрчлөлтүүд гарах төлөвтэй байна:
- Британи залуу Хавар “rain” Нюгаардын оронд IGL буюу багийн ахлагчийн үүргийг албан ёсоор хүлээн авна.
- Харин rain-ийн хувьд багтаа үлдэж, өөр шинэ үүрэг гүйцэтгэхээр төлөвлөгдөж байна.
Ташрамд дурдахад, 100 Thieves нь rain-ийн хувьд 2015 онд G2 багийг түр хугацаанд ахалснаас хойших анхны урт хугацааны IGL-ийн үүрэг хүлээсэн төсөл байсан юм.
Gizmy-ийн карьер болон Monte баг дахь замнал
Тэрээр анх 2023 оны 11 дүгээр сард Украины Monte багийн академид элсэн орсон түүхтэй. Улмаар академи болон үндсэн багийн хооронд шилжин тоглож туршлага хуримтлуулсаар, 2025 оны 1 дүгээр сард албан ёсоор дэвшиж, IGL-ийн хариуцлагатай албан тушаалыг хаших эрхтэй болсон билээ.
“Би өөрийгөө тоглогчийн хувьд шинээр бүтээж, одоо [тэр үеийн дасгалжуулагч] AiyvaN-тай хамт багийг удирдана” гэж тэрээр тэр үед бичиж байв. “Их юм харуулах цаг ирлээ.”
Өдгөө 22 настай түүний хувьд Monte багийг IEM Cologne Major тэмцээнд амжилттай оролцуулсан гайхалтай улирлын дараагаар цахим спортын зах зээл дээрх хамгийн их эрэлттэй, шилдэг залуу ахлагчдын нэгээр зүй ёсоор нэрлэгдэх болов.
Major тэмцээний үеэрх Monte багийн амжилтаас дурдвал:
- Баг сүүлийн шатны 2-р шатанд амжилттай шалгарсан.
- Гэвч 3-р шатанд 1 хожил, 3 хожигдолтойгоор тэмцээнээ өндөрлүүлсэн.
- Тоглолтын үр дүнгүүд: Aurora багт 0-2, The MongolZ болон тэмцээний аварга болсон Falcons багуудад тус бүр 1-2 харьцаагаар ялагдсан бол PARIVISION багийг 2-1 харьцаагаар буулган авчээ.
Monte багийн бусад тоглогчдын шилжилт
Үүний зэрэгцээ даваа гарагт HLTV порталаас өөр нэгэн мэдээлэл цацсан байна. Monte багийн үндсэн бүрэлдэхүүнд тоглож байсан хэд хэдэн тоглогчид үнэ төлбөргүйгээр Luminosity баг руу шилжих хэлэлцээр хийгдэж байгаа аж. Үүнд:
- Ауримас “Bymas” Пипирас
- Оскар “AZUWU” Белл
- Орелиен “afro” Драпье
Эдгээр тоглогчдоос гадна Алекс “Rainwaker” Петров ч мөн уг шилжилтийн багцад нэгдэх магадлалтай байгаа юм.
