4
Тэмцээн зохион байгуулагч BLAST компаниас Дани улсын Копенгаген хотноо зохиогдож буй Dota 2-ын BLAST SLAM VII тэмцээний LAN шатанд Оросын “PV” баг тоглох боломжгүй болсныг мэдэгдлээ. Тус багийн тоглогчдод визний асуудал тулгарсан тул тэд тэмцээнийг албан ёсоор орхихоор болсон байна.
Үүнтэй холбоотойгоор тэмцээний хасагдах шатны (плей-офф) хуваарьт дараах өөрчлөлтүүд оржээ:
- Team Liquid эргэн ирлээ: Плей-оффт шалгарч чадаагүй багуудаас нэмэлт үзүүлэлтээрээ хамгийн шилдэг нь байсан Team Liquid баг тэдний орон зайг нөхөж, хасагдах шатанд өрсөлдөх эрх авлаа.
- BB Team шууд хагас шигшээд: Хасагдах шатыг шөвгийн наймаас эхлүүлэх хуваарьтай байсан BB Team (BetBoom Team) Оросын “PV” багийн байрлалыг шилжүүлэн авснаар шууд шөвгийн дөрөвт (хагас шигшээ) шалгарлаа.
- Шөвгийн наймын тулаан: Орон зайд нь орж ирсэн “Team Liquid” баг хасагдах шатны эхний тоглолтоо Team Falcons багийн эсрэг хийхээр болсон байна.
Тэмцээний тов: “BLAST SLAM VII” тэмцээний шийдвэрлэх плей-оффын тоглолтууд 6 дугаар сарын 4-нөөс 7-ны өдрүүдэд өрнөнө. Тус тэмцээний нийт шагналын сан $1,000,000 ам.доллар юм.
