“Aurora Gaming” баг “PGL Wallachia Season 9” тэмцээний өмнө “Dota 2”-ын бүрэлдэхүүндээ өөрчлөлт оруулснаа зарлалаа. Рафлай “Mikoto” Фатур Рахман хувийн шалтгааны улмаас уг тэмцээнийг өнжих бөгөөд түүний орныг Украины “Inner Circle” клубийн гишүүн асан Игорь “Stojkov” Стойков түр орлон тоглохоор болсон байна. Тэрээр өмнө нь “Inner Circle” багийн хамтаар “Esports World Cup 2026” тэмцээнд 21-24-р байрт орж байснаас гадна “Leviatán” болон “Zero Tenacity” багуудад тоглож байсан туршлагатай юм.
Шинэ бүрэлдэхүүн ба сэлгээ
Түүнчлэн “Aurora” баг Егор “Nightfall” Григоренког үндсэн бүрэлдэхүүнээс хасаж, түүний байрыг “Falcons” багийн тоглогч асан, “The International 2022” болон “2025” онуудын аварга Оливер “skiter” Лепкоор нөхжээ. Ингэснээр “Aurora Gaming” багийн бүрэлдэхүүнд Оливер “skiter” Лепко, Рафлай “Mikoto” Фатур Рахман, Чунь “Ws” Вейшень, Мирослав “Mira” Колпаков, Олег “kaori” Медведок нар багтаж байгаа бөгөөд Дамиэн “kpii” Чок дасгалжуулагчаар ажиллаж байна.
