Америкийн тайлбарлагч, аналитик Эйвери «SVG» Сильверман Dota 2 тоглоомын 7.41f ээлжит шинэчлэлтийг шүүмжилж, өөрчлөлтүүдийг нь өнгөцхөн бөгөөд зөвхөн тэнцвэржүүлсэн мэт дүр эсгэсэн төдий зүйл хэмээн нэрлэлээ.
«Энэ патчийн утга учир нь ер нь юунд байгаа юм, энэ юуг ч өөрчилж байгаа юм бэ? Би урьд өмнө хэзээ ч ийм олон хоосон шинэчлэлт харж байгаагүй. Энэ бүр бухимдал төрүүлж эхэлж байна. Би галзууртлаа уурлаж байна гэж хэлэхгүй ч та нар хүмүүсийн тэвчээрийг шалгаж, зарчмыг нь сорьж байна шүү дээ. Хачин л мэдрэмж төрүүлж байна. Би ийм хоосон зай нөхсөн шинэчлэлтүүдийг үзэн яддаг.
Хөгжүүлэгчид зүгээр л нэг баатрыг хараад: “Бид үүний ялалтын хувийг хэдэн нэгжээр буулгах хэрэгтэй байна. Тэгвэл үнэндээ уг баатарт ямар ч дорвитой зүйл өөрчлөхгүйгээр юуг нь өөрчилж болох вэ?” гэж боддог шиг байна. Тэгээд яг үүнийгээ л хийдэг. Би энэ бүх өөрчлөлтийг яг ингэж л харж байна. Үнэндээ юу ч өөрчлөгдөөгүй байхад баатрыг өөрчилсөн мэт дүр эсгэхийг би үзэн яддаг. Энэ лав ямар нэг хиймэл оюуны (AI) хийсэн патч байна» хэмээн тэрээр бухимдлаа илэрхийлжээ.
Сануулахад, 9 дүгээр сарын 15-нд Valve компани Dota 2-т зориулсан 7.41f тэнцвэрийн шинэчлэлтийг гаргасан юм. Хөгжүүлэгчид цөөн хэдэн баатар болон эд зүйлсийн үзүүлэлтийг өөрчилж, зарим алдаануудыг зассан бөгөөд энэ удаад тоглоомын системийн чанартай ерөнхий өөрчлөлтүүд ороогүй билээ.
