9
Тэмцээн зохион байгуулагч BLAST компани 2027 онд болох өөрсдийн Dota 2-ын тэмцээнүүдийн драфтын форматыг өөрчлөхөөр болсноо нийгмийн сүлжээгээрээ дамжуулан зарлалаа.
Одоогоор BLAST 2027 онд багуудыг хүлээж буй өөрчлөлтийн нарийн ширийнийг хараахан илчлээгүй байна. Мэдэгдэлд драфтын шинэ форматыг “LOCKOUT” гэж нэрлэх талаар л дурдсан бөгөөд илүү дэлгэрэнгүй мэдээллийг дараа нийтэлнэ гэжээ.
Инсайдеруудын мэдээлснээр “LOCKOUT” нь League of Legends-ийн “Fearless Draft”-тай төстэй байж магадгүй аж. Энэхүү форматын дагуу багууд нэг цувралын хүрээнд өмнөх тоглолтууд дээр сонгож тоглосон баатруудаа дараагийн тоглолтуудад дахин сонгох эрхгүй болдог дүрэмтэй юм.
