Mobile Legends: Bang Bang (MLBB)-ийн 10 жилийн ойд зориулсан баярын шинэчлэлийн хүрээнд хөгжүүлэгчид тоглолтын дараах шагналын график дизайныг шинэчилж, тоглолтын гүйцэтгэлийн хамгийн дээд шинэ үнэлгээ болох Supreme түвшнийг танилцууллаа.
Тоглолтын дараах хувийн үнэлгээ нь 10.1 болон түүнээс дээш гарсан тоглогч шинэ, гялалзсан нил ягаан Supreme медаль авна. Шилдэг тоглогчийн шагналд ч өөрчлөлт оржээ. Хэрэв тоглогч ялалт байгуулж, багтаа хамгийн өндөр үзүүлэлттэй байхын зэрэгцээ 10.1 болон түүнээс дээш үнэлгээ авбал түүний статус автоматаар Supreme MVP болж ахина. Харин ялсан багийн MVP 10.0 болон түүнээс доош үнэлгээтэй бол стандарт алтан MVP медаль олгоно.
Тоглолтын дараах медалийн ангилал болон од ахиулах оноо (Star Raising Points):
- Bronze: 3.0–4.0 үнэлгээ (10 оноо)
- Silver: 4.1–7.0 үнэлгээ (20 оноо)
- Gold: 7.1–10.0 үнэлгээ (30 оноо)
- Supreme: 10.1 болон түүнээс дээш үнэлгээ
- MVP: ялсан багийн хамгийн өндөр үнэлгээ, 10.0 болон түүнээс доош (100 оноо)
- Supreme MVP: ялсан багийн хамгийн өндөр үнэлгээ, 10.1 болон түүнээс дээш
- MVP Loss: ялагдсан багийн хамгийн өндөр үнэлгээ, 6.6 болон түүнээс дээш
MVP Loss медальд мөн тодорхой шалгуур тогтоожээ. Энэ медалийг ялагдсан багийн хамгийн шилдэг тоглогчид зөвхөн хувийн үнэлгээ нь 6.6-аас доошгүй тохиолдолд олгоно. Хэрэв ялагдсан багийн нэг ч тоглогч энэ босгод хүрээгүй бол тухайн тоглолтын дараа MVP Loss медаль огт олгохгүй.
Тоглолтын дараах медалиуд нь зөвхөн тухайн нэг тоглолтын гүйцэтгэлийг үнэлдэг бөгөөд тоглогчийн ranked горим дахь байр суурийг илэрхийлдэг ерөнхий ранкын медальтай (Ranked Medals) андуурч болохгүйг мөн тодруулжээ.
