“BCGame” баг “Elisa Esports Breakout Series 1” тэмцээний финалд ENCE багийг 2:0-ээр (Mirage 13:11, Nuke 16:13) буулган авч, аваргын цомыг хүртлээ.
Энэхүү тэмцээн нь Magisk капитаны хувиар багаа ахалж, Монголын дуэт mzinho болон Senzu нарын эргэн ирэлтээр шинэчлэгдсэн “BCGame” багийн анхны тэмцээн байв. Багийн бүрэлдэхүүн шинэчлэгдсэний дараа тэд VRS чансааг бараг эхнээс нь эхлүүлсэн юм.
Тэмцээний явц ба Senzu-гийн гайхалтай тоглолт
“BCGame” баг хэсгийн шатыг нэг ч хожигдолгүй дуусгаж, шилдэг 150 багийн тоонд орсноор финал руу итгэлтэйгээр шалгарсан юм. Хагас финалд тэд “SINQU” багийг хожсон бөгөөд уг тоглолтод Senzu болон s1mple нар шийдвэрлэх үүрэг гүйцэтгэжээ.
“Senzu нийт 7 map дээр дунджаар 1.48 үнэлгээ үзүүлж, тэмцээний шилдэг тоглогчийн (MVP) статустайгаар тэмцээнийг дуусгалаа.”
Финалд ялалт байгуулснаар “BCGame” баг VRS чансааны 84-р байр руу ахиж, дэлхийн шилдэг 100 багийн эгнээнд багтаж чадлаа.
Дараагийн зорилго: Esports World Cup
Одоо тус баг 8-р сарын 7-ноос 9-ний хооронд Парис хотод болох Esports World Cup Open Qualifier сонгон шалгаруулалтад оролцохоор бэлтгэж байна. Уг сонгон шалгаруулалтад нийт 128 хүртэлх баг өрсөлдөх бөгөөд шилдэг 4 баг нь 2,000,000 ам.долларын шагналын сантай үндсэн шатанд өрсөлдөх эрх авах юм.
