BLAST Slam цуврал тэмцээний зохион байгуулагчид Dota 2-ийн BLAST Slam VIII болон BLAST Slam IX тэмцээнүүдийн нээлттэй, хаалттай сонгон шалгаруулалтын товыг албан ёсоор зарлалаа. BLAST Slam VIII-ийн сонгон шалгаруулалт Европ, Зүүн Өмнөд Ази, Хятад гэсэн гурван бүсэд явагдана.
BLAST Slam VIII тэмцээний нээлттэй сонгон шалгаруулалт 8-р сарын 26-27-нд болно. Харин хаалттай сонгон шалгаруулалт 8-р сарын 29-30-нд явагдах юм. Энэ шатанд гурван бүсийн багууд үндсэн тэмцээнд оролцох эрхийн төлөө өрсөлдөнө.
BLAST Slam IX хоёр бүсэд болно
BLAST Slam IX-ийн хувьд сонгон шалгаруулалт Европ болон Зүүн Өмнөд Ази гэсэн хоёр бүсэд зохион байгуулагдана. Нээлттэй сонгон шалгаруулалт 9-р сарын 9-10-нд болох бол хаалттай шат 9-р сарын 12-13-нд явагдахаар товлогджээ. Хоёр тэмцээний тус бүрийн шагналын сан 750 мянган ам.доллар байх юм.
