Германы Кёльн хотноо болж өнгөрсөн тэмцээний үр дүнгээс шалтгаалан “PGL Singapore Major” тэмцээнд оролцох багуудын бүс нутгийн хуваарилалт эцэслэн батлагдах шатандаа орлоо. Тодруулбал, “9z” баг “The MongolZ“-ийг буулган авснаар Ази тивийн төлөөлөл Сингапурын Мажорын гуравдугаар шатанд шууд оролцох эрхээ алдсан байна. Хэрэв зохион байгуулагчдын зүгээс дүрмийн ямар нэгэн гэнэтийн өөрчлөлт оруулахгүй бол Азийн тэргүүлэгч баг хоёрдугаар шатнаас тэмцээнээ эхлүүлэхээр болжээ.
Мажор тэмцээний үе шат болон багуудын мандат
Кёльнд болсон тоглолтуудын үр дүнд үндэслэн “PGL Singapore Major” тэмцээний гуравдугаар шатанд Европын зургаан баг, Америк тивийн хоёр багтай нэгдэх нь бараг тодорхой болоод байна. Тэгвэл хоёрдугаар шатанд дахин Европын зургаан баг өрсөлдөх бөгөөд тэдэн дээр Ази болон Америкийн тус бүр нэг баг нэмэгдэх юм.
Харин тэмцээний хамгийн эхний буюу нэгдүгээр шатанд Европын зургаан баг, Америкийн зургаан баг болон Ази тивийн дөрвөн баг хоорондоо өрсөлдөхөөр хуваарилагджээ. Ерөнхий дүнгээр авч үзвэл, нэгдүгээр шатны үр дүнгээр Европын бүс Америк тивийн бүсээс нэг мандат илүү авч, нийт эрхийн тоогоо 17-гоос 18 болгон нэмэгдүүлж чадсан байна.
Сингапурын Мажор тэмцээний бүс нутгийн нэгдсэн хуваарилалт:
- Европ тивийн бүс – Нийт 18 баг: (1-р шатанд 6 баг, 2-р шатанд 6 баг, 3-р шатанд 6 баг)
- Америк тивийн бүс – Нийт 9 баг: (1-р шатанд 6 баг, 2-р шатанд 1 баг, 3-р шатанд 2 баг)
- Ази тивийн бүс – Нийт 5 баг: (1-р шатанд 4 баг, 2-р шатанд 1 баг, 3-р шатанд 0 баг)
