“BlizzCon 2026” эвэнтийн үеэр “Overwatch” тоглоомыг хөгжүүлэгчид Сомбра баатрыг довтолгооны (DPS) ангиллаас дэмжлэгийн ангилал руу шилжүүлэх томоохон өөрчлөлтийг 5 дугаар улиралд хийх гэж байгаагаа зарлалаа. Багийнхан түүний хакер болон кибернетик дүр төрх, онцлогийг хэвээр хадгалахын тулд иж бүрэн шинэчлэлт дээр ажиллажээ.
Үүргийн өөрчлөлт ба ур чадварын тохиргоо
Баатрын дизайнер Скотт Кеннедигийн тайлбарласнаар өмнө нь өндөр хохирол учруулах чадвар, дайсны ур чадварыг цоожлох болон үл үзэгдэгч болох боломж нь түүнийг тоглоомын хувьд нэлээд асуудалтай баатар болгодог байжээ. Дэмжлэгийн ангилалд шилжсэнээр дайснаа хурдан устгах шаардлагагүй болж, оронд нь холбоотнуудаа эмчлэх болон байлдааны талбарт далд байдлаар чөлөөтэй шилжин байрлах боломжтой болох аж. Түүний транслокатор, үл үзэгдэх чадвар болон EMP-ээр ур чадвар блоклох механик хэвээр үлдэх ч EMP далайцтай чадварыг (ult) ашиглах давтамжийг багасгахаар тохируулсан байна.
Хөгжүүлэлтийн явц ба лор өгүүлэмж
Арт захирал Дион Роджерс болон ахлах аниматор Кайл Дісандж нар дотоод туршилт болон баланс тааруулах ажил их шаардсан тул хөгжүүлэлт нэлээд цаг авсныг онцоллоо. Продюсер Кенни Хадсоны дурдсанаар “Overwatch 1”-ийн үнэнч хөгжөөн дэмжигчдийн хүлээлтэд нийцүүлэх ёстой тул бэлэн баатрыг өөрчлөх нь шинээр баатар бүтээхээс илүү төвөгтэй байдаг аж. Өгүүлэмжийн дизайнер Элени Ривера Сомбрагийн хакер төрх хэвээр үлдхийн хамт ийм шинэчлэлтүүд нь Сигма зэрэг бусад баатруудтай харилцах харилцаа болон зохиолын өрнөлийг илүү гүнзгийрүүлэх боломж олгодог гэдгийг нэмж хэлэв.
