7
“New Esports Org” (NEO) компани 2027 онд Францад зохион байгуулагдах тулаант тоглоомын “Evo” нээлттэй цуврал тэмцээний зохион байгуулагчаар ажиллахаар боллоо. Энэхүү мэдэгдэл нь NEO-ийн RTS-тэй хамтран зохион байгуулсан “Evo France 2026” тэмцээн өндөрлөсний дараахан гарсан байна.
Evo France 2027 нь 2027 оны 10 дугаар сарын 22-ноос 24-ний өдрүүдэд Парис хотод явагдана. Арга хэмжээг хүлээн авах аренаг хараахан зарлаагүй байна.
Энэ нь Франц улсын хувьд Evo цувралын гурав дахь тэмцээн болох юм. Өмнөх хоёр тэмцээн нь 2025 болон 2026 онуудад Ницца хотод зохион байгуулагдаж байв.
