Esports Nations Cup 2026 тэмцээний зохион байгуулагчид Dota 2 болон CS2 төрлүүдийн үндэсний болон бүс нутгийн сонгон шалгаруулалтын (квалификаци) хуваарийг албан ёсоор зарлалаа.
Counter-Strike 2 төрөлд шигшээ багуудыг үндэсний нээлттэй шалгаруулалтаар тодруулах бөгөөд замнал нь хоёр үе шаттай байна. Эхлээд 7 дугаар сарын 6-наас 16-ны хооронд Үндэсний сонгон шалгаруулалт явагдаж, түрүүлсэн баг нь улсынхаа албан ёсны шигшээ баг болно. Үүний дараа 7 дугаар сарын 17-ноос 19-ний хооронд Бүс нутгийн шалгаруулалт явагдах аж.
Dota 2-ын тухайд шигшээ багийг дасгалжуулагч бүрдүүлэх тул зөвхөн Бүс нутгийн шалгаруулалт 6 дугаар сарын 29-нөөс 7 дугаар сарын 3-ны хооронд зохион байгуулагдана. Нийт оролцох 32 багийн 16 нь шууд урилга авч, 2 баг Wildcard-аар оролцох бол үлдсэн багууд бүс нутгийн шалгаруулалтаар эрхээ авна.
Dota 2-ын Бүс нутгийн шалгаруулалтын эрхийн хуваарилалт:
- Баруун Европ — 2
- Зүүн Европ — 2
- Ойрхи Дорнод ба Төв Ази — 2
- Өмнөд ба Зүүн Ази — 2
- Зүүн Өмнөд Ази ба Далайн орнууд — 2
- Өмнөд Америк — 2
- Хойд Америк — 1
- Төв ба Өмнөд Африк — 1
Esports Nations Cup 2026-ын үндсэн тэмцээн Dota 2 төрлөөр 11 дүгээр сарын 2-ноос 8-нд, харин CS2 төрлөөр 11 дүгээр сарын 10-наас 15-ны хооронд тус тус зохион байгуулагдана.
Зохион байгуулагчдын мэдээлснээр оролцогчдыг тодруулахдаа төрлүүдийг гурван үндсэн бүлэгт хуваажээ. Үүнд:
1. Хувь тоглогчийн амжилтад үндэслэх (Шууд урилга):
- Chess (Шаттар)
- EA Sports FC
- Fatal Fury: City of the Wolves
- Trackmania
- Street Fighter 6
2. Дасгалжуулагчийн сонголт (Сонгон шалгаруулалтаар дамжих):
- Dota 2, Valorant, League of Legends, Mobile Legends: Bang Bang, Rocket League, PUBG Mobile, Honor of Kings, PUBG BATTLEGROUNDS, Rainbow Six Siege.
3. Үндэсний сонгон шалгаруулалт:
- Counter-Strike 2
- Apex Legends
