Лондон хотноо Британийн видео тоглоомын салбарын хамгийн нэр хүндтэй шагнал болох “BAFTA Games Awards 2026” гардуулах ёслол болж өнгөрлөө. Энэхүү арга хэмжээгээр өнгөрсөн оны шилдэг видео тоглоомуудыг тодруулж, салбарын шилдгүүдийг алдаршуулсан юм.
Энэ үдшийн гол баатруудаар тус бүр гурван төрөлд ялалт байгуулсан хоёр төсөл тодорлоо. “Clair Obscur: Expedition 33” тоглоом “Оны шилдэг тоглоом”-оор шалгарсан төдийгүй “Шилдэг дебют” болон “Гол дүрийн шилдэг жүжиглэлт” номинациудад тэргүүлэв. Харин “Dispatch” тоглоом техникийн болон жүжиглэлтийн ур чадвараараа ялгарч, “Шилдэг анимейшн”, “Дууны найруулга”, “Туслах дүрийн шилдэг жүжиглэлт” төрөлд статуетка хүртжээ.
Мөн самурайн сэдэвт тулаант “Ghost of Yōtei” тоглоом техникийн болон хөгжмийн төрөлд хоёр шагнал авч, амжилтаа бататгалаа.
BAFTA Games Awards 2026 шагналтнуудын бүрэн жагсаалт:
- Шилдэг тоглоом: Clair Obscur: Expedition 33
- Шилдэг дебют тоглоом: Clair Obscur: Expedition 33
- Гол дүрийн шилдэг жүжиглэлт: Женнифер Инглиш (Clair Obscur: Expedition 33-ийн Маэль-ийн дүр)
- Шилдэг анимейшн: Dispatch
- Дууны найруулгын ололт: Dispatch
- Туслах дүрийн шилдэг жүжиглэлт: Жеффри Райт (Dispatch-ийн Чейз-ийн дүр)
- Техникийн ололт: Ghost of Yōtei
- Шилдэг хөгжим: Ghost of Yōtei
- Урлаг, дизайны ололт: Death Stranding 2: On the Beach
- Шилдэг гэйм дизайн: Blue Prince
- Британийн шилдэг тоглоом: Atomfall
- Шилдэг мультиплэйер: Arc Raiders
- Шилдэг хөгжүүлэлттэй тоглоом: No Man’s Sky
- Гэр бүлийн шилдэг тоглоом: Lego Party!
- Шилдэг зохиол, хүүрнэл: Kingdom Come: Deliverance II
- Шилдэг шинэ IP (оюуны өмч): South of Midnight
- Энтертайнментаас хальсан тоглоом: Despelote
- Тусгай шагнал: Илкка Паананен (Supercell студийн үүсгэн байгуулагч, Гүйцэтгэх захирал)
