“Resident Evil Requiem” тоглоом худалдаанд гарсан цагаасаа хойш хоёр сар хүрэхгүй хугацаанд 7 сая хувь борлогдож, тус цувралын хамгийн хурдан борлуулалттай ангиар шалгарлаа.
Тоглоомын найруулагч Коши Наканиши энэхүү тэмдэглэлт үйл явдлыг өөрийн Instagram хуудаснаа хуваалцжээ. Зураг дээр “Capcom” компанийн ажилчид “Resident Evil” сэдэвтэй хоёр төрлийн бялуугаар энэхүү амжилтаа тэмдэглэж буй нь харагдаж байна.
Хэдийгээр тус компаниас албан ёсны хэвлэлийн мэдээ хараахан гаргаагүй байгаа ч Наканишигийн нийтлэл борлуулалтын гол эх сурвалж боллоо. Энэхүү үзүүлэлт нь цувралын өмнөх ангиудтай харьцуулахад үнэхээр гайхалтай амжилт юм.
Тухайлбал, 2021 онд гарсан “Resident Evil Village” тоглоом дөрөв хоногт 3 сая хувь борлогдож байсан бол 2023 оны “Resident Evil 4 Remake” энэ амжилтыг илүү богино хугацаанд давтаж байв. Гэвч “Requiem” ердөө хоёр сарын дотор 7 саяд хүрсэн бол “RE4 Remake” тоглоом нэг жилийн хугацаанд 6.48 сая хувь борлогдож байсан түүхтэй.
