Xbox компани “Gamescom 2026” шоуны үеэр нэгэн сонирхолтой гэнэтийн бэлэг барихаар бэлтгэж байгаа бололтой. Алдартай инсайдер NateTheHate-ийн мэдээлснээр, тус компани үзэсгэлэнгийн үеэр шинэ тоглоом танилцуулахаар төлөвлөж байгаа гэнэ. Түүний хэлснээр энэ нь аль хэдийн олонд танигдсан цувралын шинэ анги байх бөгөөд гэхдээ уг төсөл Gamescom дээр заавал танилцуулагдана гэдгийг одоогоор бүрэн баталгаажуулж чадаагүй байна.
Уг ярианы талаар “Windows Central”-ийн редактор Жез Корден сэтгэгдлээ хуваалцжээ. Тэрээр мөн энэхүү цуу яриаг сонссон бөгөөд хэрэв мэдээлэл баталгаажвал энэ нь “нилээн том гэнэтийн бэлэг” болно гэж тодорхойлсон байна. Түүнчлэн Корден энэ нь “санамсаргүй, тааварлашгүй үргэлжлэл” байхыг сануулсан юм. Гэсэн хэдий ч сэтгүүлч мэдээллийг одоогоор шалгаж байгаа тул энэ зарлалыг баталгаатай гэж үзэх болоогүйг цохон тэмдэглэв.
Урьдчилсан мэдээллээр уг тоглоом нь “Banjo-Kazooie”-тэй холбоогүй бөгөөд Microsoft-ын дотоод студид хийгдэж байгаагүй ч Xbox-ийн оюуны өмчид хамаардаг тоглоом аж.
“Gamescom Opening Night Live” шоу 8 дугаар сарын 25-нд болох бөгөөд Microsoft 8 дугаар сарын 26, 27-ны өдрүүдэд Xbox-ийн тусгай шууд дамжуулалтыг хийнэ. Яг эдгээр арга хэмжээний үеэр энэхүү гэнэтийн бэлгийн талаар илүү тодорхой мэдээлэл гарах боломжтой юм.
2 comments
Ямар тоглоом зарлах бол оо? Үнэхээр их хүлээж байна шүү!
Xbox сүүлийн үед үнэхээр мундаг ажиллаж байгаа