Парист болж өндөрлөсөн 2,000,000 ам.долларын шагналын сантай “Esports World Cup 2026” тэмцээн нь ширүүн өрсөлдөөнөөрөө ямар ч Мэйжороос дутахгүй гэдгээ батлан харууллаа. Хэсгийн шат болон плей-оффын хоёр долоо хоногийн турш багууд гранд финалд үлдэхийн төлөө өрсөлдсөн бөгөөд тоглогчдын хувийн статистик нь хэн багаа чирч байсныг илтгэв. bo3 сайтаас тэмцээний шилдэг 10 тоглогчийг чансаа, ашигт ажиллагаа болон раунд бүрийн дундаж хохирол (ADR)-ын үзүүлэлтээр нь эрэмбэлэн танилцуулж байна.
Шилдэг 10 тоглогчийн үзүүлэлт болон эрэмбэ
10. Tauson — 6.6
- Раунд бүрийн килл: 0.71
- Раунд бүрийн үхэл: 0.59
- ADR: 82.15
Тоглосон газрын зураг: 6
Дани стрелок 6.6 рейтингиэр топ-10-ын төгсгөлд орж байна. Энэ нь судалгаанд хамрагдсан тоглогчдын хамгийн бага үзүүлэлт боловч ердөө зургаан мап дээр тоглосон тоглогчийн хувьд тогтвортой дүн юм. Түүний 82.15 ADR болон 1-ээс ялимгүй дээгүүр K/D харьцаа нь тоглолтын савлалтгүй, тэнцвэртэй байсныг харуулна. Tauson энэ EWC-д багаас тодорсон гол од байгаагүй ч үндсэн үүргээ сайн биелүүлж, рейтингээс хасагдах хэмжээний тааруу тоглолт үзүүлээгүй юм.
9. KSCERATO — 6.6
- Раунд бүрийн килл: 0.78
- Раунд бүрийн үхэл: 0.64
- ADR: 81.64
Тоглосон газрын зураг: 16
Бразил залуу Tauson-оос хоёр дахин олон буюу 16 газрын зурагт тоглохдоо 6.6 рейтингээ хадгалж чадсан нь түүний урт зайн тогтвортой байдлыг илтгэнэ. FURIA хагас шигшээд шалгарсан бөгөөд KSCERATO тоглолт бүрд багтаа тогтвортой килл авчирч байв. Түүний ADR топ-10-ын дунджаас бага зэрэг доогуур ч K/D харьцаа нь тэмцээний турш эерэг хэвээр байлаа.
8. kyousuke — 6.6
- Раунд бүрийн килл: 0.82
- Раунд бүрийн үхэл: 0.64
- ADR: 86.80
Тоглосон газрын зураг: 7
kyousuke ердөө 7 мап дээр тоглосон ч жагсаалтын доод хагаст орсон тоглогчдоос хамгийн өндөр ADR буюу 86.80 үзүүлэлтийг үзүүллээ. Түүний баг тэмцээний сүлжээнд хол явж чадаагүй ч хувийн ур чадвар нь шилдэг тоглогчдын жагсаалтад ороход хангалттай байв.
7. 910 — 6.7
- Раунд бүрийн килл: 0.79
- Раунд бүрийн үхэл: 0.67
- ADR: 82.31
Тоглосон газрын зураг: 8
Монголын The MongolZ багийн тоглогч 910 найман газрын зурагт 6.7 рейтинг үзүүлснээр жагсаалтын дээд хэсгийн заагт оров. Түүний статистик нэлээд тэнцвэртэй: раунд бүрд үзүүлэх дундаж килл болон хохирол нь хоёулаа тогтвортой байна. Плей-оффын шатнаас хасагдсан багуудад яг ийм тоглогчид цувралыг шийдвэрлэх раунд хүртэл хүргэхэд гол үүрэг гүйцэтгэдэг. 910 энэ тэмцээнд багийнхаа гол карри байгаагүй ч илэрхий уналтгүйгээр түвшнээ барьж чадлаа. Сануулахад, 1xBet-ийн дэмжлэгтэйгээр өрсөлдсөн The MongolZ баг өнгөрсөн жил уг тэмцээнд түрүүлж байсан ч энэ удаад хагас шигшээд шалгарч чадаагүй юм.
6. w0nderful — 6.7
- Раунд бүрийн килл: 0.76
- Раунд бүрийн үхэл: 0.58
- ADR: 72.36
Тоглосон газрын зураг: 6
w0nderful нь топ-10 дотор хамгийн бага ADR буюу 72.36 үзүүлсэн ч жагсаалтын доод хагастаа хамгийн шилдэг K/D харьцаагаар үүнийгээ нөхөж чаджээ. Түүний оруулсан хувь нэмэр багийн үр дүнд мэдэгдэхүйц нөлөөлсөн байна.
5. FL4MUS — 6.7
- Раунд бүрийн килл: 0.82
- Раунд бүрийн үхэл: 0.73
- ADR: 88.27
Тоглосон газрын зураг: 6
FL4MUS нь жагсаалтын доод хэсгээс хамгийн өндөр ADR (88.27)-тай ба топ-5 дотроо раунд бүрийн хамгийн өндөр үхэлтэй тоглогч болов. Энэ нь эрсдэлтэй байрлалд тоглон, хохирол болон килл бий болгодог довтолгооны эхлүүлэгч тоглогчийн тодорхой хэв шинж юм.
4. donk — 6.8
- Раунд бүрийн килл: 0.97
- Раунд бүрийн үхэл: 0.66
- ADR: 98.60
Тоглосон газрын зураг: 17
donk тэмцээний туршид хамгийн өндөр ADR буюу 98.60 болон раунд бүрийн киллээрээ (0.97) топ-10-ыг манлайлав. Түүнчлэн 17 мап дээр тоглосон нь жагсаалтын хамгийн их ачаалалтай тоглогч болохыг харуулна. Цэвэр үр ашгаараа donk практик дээр тэмцээний шилдэг тоглогч байсан ч эцсийн рейтингээр 4 дүгээрт эрэмбэлэгдлээ.
3. molodoy — 6.9
- Раунд бүрийн килл: 0.82
- Раунд бүрийн үхэл: 0.59
- ADR: 83.87
Тоглосон газрын зураг: 16
molodoy 16 газрын зурагт 6.9 рейтинг үзүүлсэн нь топ-3 доторх хоёр дахь өндөр ачаалал бөгөөд тэмцээний туршид тогтвортой байсныг нь батална. Түүний K/D харьцаа эерэг хэвээр байж, ADR нь дунджаас дээгүүр түвшинд хадгалагдлаа.
2. tENZY — 6.9
- Раунд бүрийн килл: 0.83
- Раунд бүрийн үхэл: 0.65
- ADR: 87.16
Тоглосон газрын зураг: 9
tENZY 6.9 рейтингээр molodoy-той ижил боловч хоёр дахин цөөн буюу 9 газрын зурагт тоглосноор 2 дугаар байрт орлоо. Түүний 87.16 ADR нь топ-10 доторх хамгийн өндөр үзүүлэлтүүдийн нэг байв.
1. m0NESY — 7.5
- Раунд бүрийн килл: 0.92
- Раунд бүрийн үхэл: 0.50
- ADR: 86.52
Тоглосон газрын зураг: 7
m0NESY 7.5 гэсэн өндөр рейтингээр жагсаалтыг тасархай манлайллаа. Түүний давамгайлах гол нууц нь раунд бүрийн хамгийн бага үхэл (ердөө 0.50) ба өндөр килл (0.92) байв. Тэрээр өөрийн байрлалаа маш бага эрсдэлд оруулж, өрсөлдөгчдөө устгаж байсан нь ховор тохиолдох ур чадвар юм.
Тэмцээний эцсийн үр дүн ба шагналын хуваарилалт
“Esports World Cup 2026” тэмцээн Team Spirit багийн ялалтаар өндөрлөж, тэд 600,000 ам.доллар болон 1000 клуб балын оноог авлаа. FUT Esports 340,000 ам.доллароор хоёрдугаар байрт орсон бол Legacy болон FURIA багууд 190,000 ба 110,000 ам.долларыг тус тус хуваан авч шилдэг 4-т оров.
Шөвгийн наймд хасагдсан G2 Esports, MOUZ, Team Falcons болон Team Vitality багууд тус бүр 60,000 ам.доллар болон 200 клуб оноо авсан байна. Тэмцээний шилдэг 10 тоглогчийн үзүүлэлт нэг чухал зүйлийг тодорхой харуулж байна. Ялалт зөвхөн ганцаарчилсан од тоглогчдын гялалзсан тоглолтоос бус, бүрэлдэхүүн дэх тоглогч бүр тэмцээний турш тогтвортой тоглолт үзүүлж чадсан тэнцвэртэй багийн хүчнээс бий болдог.
