“PGL Astana 2026” цахим спортын тэмцээний үеэр 1xBet-ийн баг хамт олон зохион байгуулагчид болон The MongolZ багийн тоглогчидтой уулзаж ярилцлаа. Тэдний хэлэлцүүлгийн гол сэдэв нь Монгол улс өөрийн гэсэн цахим спортын томоохон тэмцээнийг зохион байгуулахад хэр бэлэн байгаа тухай болон хөгжөөн дэмжигчид хэзээ “PGL Ulaanbaatar” тэмцээнийг бодитоор үзэх боломжтой вэ гэдэг асуудал байв.
The MongolZ бол Азийн шилдэг баг
Олон жилийн турш Counter-Strike-ын цахим спортын ертөнцийг Европ болон Хойд Америкийн багууд давамгайлж ирсэн билээ. Тэмцээн зохион байгуулагчид ч ихэнх арга хэмжээгээ эдгээр бүс нутгуудад хийдэг байв. Гэвч сүүлийн гурван жилийн хугацаанд The MongolZ багийн үзүүлсэн огцом амжилт, хүчирхэг шилжилт нь Монгол улс анхны том хэмжээний тэмцээнээ хүлээн авахад бэлэн болсныг батлан харууллаа.
Тэдний “YaLLa Compass 2024” болон “Thunderpick World Championship 2024” тэмцээнүүдэд байгуулсан анхны ялалтууд нь The MongolZ-ыг дэлхийн тавцанд хамгийн ирээдүйтэй хүчтэй өрсөлдөгчдийн нэг гэдгийг таниулсан юм. Үүний дараа “Esports World Cup 2025” тэмцээний аварга болж, “BLAST.tv Austin Major 2025” мажор тэмцээнд аман хүзүүдсэнээр дэлхийн цахим спортын элитүүдийн эгнээнд байр сууриа бүрэн бататгасан билээ.
Энэ нь зүгээр нэг хоосон үг биш юм: 2025 оны есдүгээр сард The MongolZ баг Valve болон HLTV-ийн чансааг хоёуланг нь тэргүүлж, албан ёсоор дэлхийн шилдэг Counter-Strike багаар тодорсон. Хэдхэн жилийн дотор Монгол улс цахим спортын хөгжиж буй бүс нутгаас дэлхийн тавцанд бүрэн хүлээн зөвшөөрөгдсөн томоохон хүч болон хувирч чадлаа.
“PGL компани Монголын цахим спортын хөгжлийг анхнаас нь анхааралтай ажиглаж ирсэн. Энэ бол өнөөдөр цахим спортын төрөлд хамгийн сонирхолтой, эрчтэй гарч ирж буй шинэ талбар гэдэг дэлхий нийтийн үнэлгээтэй бид бүрэн санал нэгддэг. The MongolZ баг дэлхийн аль ч байгууллагын бахархаж чадахаар амжилтыг гаргаад зогсохгүй, олон улсын тавцанд Монгол улсын жинхэнэ элч төлөөлөгч нь болж чадлаа. Тэдний гайхалтай тоглолтууд нь Counter-Strike-ын дараагийн үеийн тухай яриаг Монгол улсгүйгээр төсөөлөхийн аргагүй болгосон юм” хэмээн PGL Esports-ынхон онцоллоо.
Албан ёсны түнш 1xBet-ийн дэмжлэгтэйгээр The MongolZ баг нь дэлхийн цахим спортын газрын зураг дээр Монгол улсын нэр хүндийг өсгөх гол хөдөлгөгч хүч нь болоод байна. Тоглогчид ч мөн богино хэмжээний ярилцлага өгөхдөө “PGL Ulaanbaatar” тэмцээнийг эх орондоо зохион байгуулах санааг маш халуун дотноор хүлээн авч буйгаа хуваалцсан юм.
Монгол улс “PGL Astana 2026” хэмжээний өндөр түвшний тэмцээнийг зохион байгуулахад бэлэн болсон гэж та бүхэн үзэж байна уу?
The MongolZ: “PGL-ийн баг хамт олны тусламж, дэмжлэгтэйгээр тэмцээн маш амжилттай болно гэдэгт бид бүрэн итгэлтэй байна. Хэрэв ‘бэлэн байдал’-ын тухай ярих юм бол, анхны удаад хэн ч 100 хувь бэлэн байж чаддаггүй шүү дээ. Бид зүгээр л урагш алхаж, бүх хүч чадлаа дайчлах хэрэгтэй, энэ бол нэг бодлын зоригтой алхам юм. Гэхдээ бидний бодлоор тэмцээнийг зун эсвэл намрын саруудад зохион байгуулбал хамгийн тохиромжтой байх.”
Хэрэв PGL тэмцээн Монголд зохион байгуулагдвал хөгжөөн дэмжигчид ямар уур амьсгалыг хүлээж болох вэ?
The MongolZ: “Бидний төсөөлж байгаагаар энэ нь “Thunderpick WC2024” тэмцээний уур амьсгалтай илүү ойр байж магадгүй. Тэр үед бусад тэмцээнүүдийг бодвол үзэгчид цөөхөн байсан ч заал тэр чигтээ биднийг дэмжиж, яг л гэртээ байгаа мэт мэдрэмж төрүүлж байсан. Төрөлх хотынхоо, эх орныхоо хөгжөөн дэмжигчдийн өмнө тоглох нь үнэхээр гайхалтай байх болно. Бид тэр тэмцээнд түрүүлэхийн тулд өөрсдийгөө хамгийн дээд цэгт нь хүртэл шахаж тоглох болно.”
“Улаан ордо” (The Horde) хөдөлгөөн: Соёлын феномен
Монгол улсын цахим спортын шилдэг байгууллага болох The MongolZ баг нь Монголын хөгжөөн дэмжигчдийн хувьд жинхэнэ урам зоригийн ундарга болж чадсан юм. “1xBet Монгол”-ын дэмжлэгтэйгээр Улаанбаатар хотын төв хэсэгт тоглогчдод зориулсан ханын зургуудыг зурж, багийнхан алдартай телевизийн нэвтрүүлгүүдэд уригдан, загварын сэтгүүлүүдийн нүүрийг чимэх болжээ.
The MongolZ баг “BLAST.tv Austin Major 2025” мажор тэмцээний аваргын төлөө Vitality багтай тулалдаж байх үеэр, шөнө дунд байсан хэдий ч олон мянган хөгжөөн дэмжигчид нийслэл хотынхоо гудамж талбайд цугларан өөрсдийн баатруудаа уухайлан дэмжиж байлаа.
Багийн хамгийн үнэнч дэмжигчид 1xBet болон The MongolZ багийн шууд дэмжлэгтэйгээр “The Horde” (Улаан ордо) хөгжөөн дэмжигчдийн хөдөлгөөнийг байгуулсан бөгөөд энэ нь өдгөө нэгэнт соёлын том үзэгдэл (феномен) болоод байна. “The Horde” хөдөлгөөнийхөн “PGL Cluj-Napoca 2026” тэмцээнд очиж, амьд дэмжлэг гэж юу байдгийг, эрч хүчтэй уриа лоозон, нүргэлсэн бөмбөрийн дуу, харизмаараа цэнгэлдэхийг хэрхэн доргиож, мартагдашгүй уур амьсгал бүтээж чаддагийг дэлхийн тавцанд харуулсан юм.
“PGL Astana 2026” тэмцээний үеэр тэд цоо шинэ үзүүлбэрийг үзүүлсэн нь тэмцээний хамгийн сэтгэл хөдөлгөсөн агшнуудын нэг болж чадлаа. Одоо тус багийнхан энэхүү гайхалтай мэдрэмж, уур амьсгалыг өөрийн эх орондоо авчрахыг мөрөөдөж байна. Учир нь Астана руу хийсэн аялал бол зүгээр нэг аялал биш, Монголд цахим спортын том тэмцээн хэрхэн зохион байгуулагдаж болох вэ гэдгийг харуулах гол жишиг баримжаа нь болж өгсөн юм.
“Зохион байгуулагчийн өнцгөөс харахад хамгийн их анхаарал татсан зүйл бол үзэгчид байлаа. Монголын хөгжөөн дэмжигчид тэмцээнд оролцох идэвх, уур амьсгал, өөрсдийн гэсэн өвөрмөц онцлог зэргийг маш өндөр түвшинд харуулсан бөгөөд энэ нь орчин үед маш ховордсон зүйл юм. Яг ийм хамт олны амьд эрч хүч л тухайн хотыг тэмцээн хүлээн авах хамгийн сонирхолтой бөгөөд зөв газар болгодог” хэмээн PGL Esports тэмдэглэв.
Монгол улс олон улсын түвшний тэмцээнүүдийг зохион байгуулахад бэлэн
Тэмцээн зохион байгуулагчид зохион байгуулах газраа сонгохдоо хэд хэдэн гол хүчин зүйлийг харгалзан үздэг. Үүнд: цахим спортын нэр хүнд, орон нутгийн хүчирхэг багуудын оршин тогтнол, хөгжөөн дэмжигчдийн хамт олны хүч, мөн тухайн бүс нутаг олон улсын жуулчдыг татах чадвар зэрэг багтдаг.
Монгол улс эдгээр бүх үзүүлэлтээр, ялангуяа хамгийн сүүлчийн шалгуур дээр маш өндөр оноо авна. Монголчууд зочломтгой зангаараа алдартай бөгөөд үндэснийхээ баялаг соёлыг зочидтой хуваалцахдаа үргэлж баяртай байдаг. Мөн Улаанбаатар хотод томоохон хэмжээний арга хэмжээ зохион байгуулахад тохиромжтой хэд хэдэн ордон, заал бий. Үүнд: M Bank Арена, AIC Степпе Арена (Мөсөн өргөө) болон Бөхийн өргөө зэрэг газруудыг нэрлэж болно.
PGL бол олон улсын цахим спортын тэмцээнийг дагнан зохион байгуулдаг дэлхийн тэргүүлэгч операторуудын нэг юм. Сүүлийн жилүүдэд тус компани Бухарест, Клуж-Напока, Астана хотуудад тэмцээнүүдээ амжилттай зохион байгуулсан бөгөөд энэ оны сүүлээр Сингапурт томоохон тэмцээн хийхээр төлөвлөж байна. PGL компани 2027–2028 онуудад зохион байгуулах хэд хэдэн томоохон тэмцээнээ аль хэдийн зарласан бөгөөд ирээдүйн тэмцээнүүдийг хийх шинэ улс орнууд, шинэ газруудыг үргэлжлүүлэн хайсаар байгаа юм. Хэрэв бүх зүйл төлөвлөгөөний дагуу тохирвол хөгжөөн дэмжигчид тун удахгүй “PGL Ulaanbaatar 2027” эсвэл “PGL Ulaanbaatar 2028” тэмцээнийг өөрийн нүдээр үзэх боломжтой болно.
“Дээд зэрэглэлийн олон улсын тэмцээнийг шинэ зах зээлд авчрахын тулд тухайн газрын дэд бүтэц, өргөн нэвтрүүлгийн логистик, аялал жуулчлал болон байрлах зочид буудлын багтаамж, мөн сэтгэл зүрхтэй орон нутгийн түншүүдийн зөв зохицол шаардлагатай байдаг. Эдгээр нь цаг хугацаа шаардсан, нухацтай хэлэлцүүлгүүд юм. Гэсэн хэдий ч бид шулуухан хэлэхийг хүсэж байна: Монгол улс PGL-ийн хараанд аль хэдийн орсон бөгөөд бид Улаанбаатар хотод зохион байгуулагдах ирээдүйн PGL тэмцээн ямар байж болох вэ гэдэг боломжуудыг судлах сонирхолтой байна. Бид энэхүү зорилгыг хуваалцаж буй Монгол улсын төрийн болон хувийн хэвшил, нийгэмлэг зэрэг бүх талуудтай яриа хэлэлцээ хийхэд нээлттэй байна.
PGL компани Астана хотод саяхан зохион байгуулсан тэмцээнийхээ үр дүнд маш их бахархаж байгаа бөгөөд Төв болон Зүүн Хойд Азийн орнуудаас ирж буй хариу үйлдэл нь энэ бүс нутаг дэлхийн цахим спортын хуанлид илүү их орон зайг эзлэх эрхтэй гэсэн бидний итгэлийг улам бүр бататгаж байна. Монгол улс бидний ирээдүйн дүр зурагт маш том байр суурийг эзэлж байгаа” хэмээн PGL Esports-ынхон мэдэгдсэн юм.
“1xBet цахим спорт”-оос The MongolZ баг болон “The Horde” хөгжөөн дэмжигчдийн хөдөлгөөнийг идэвхтэй дэмжиж байгаа нь Монголын цахим спортын экосистемийг хөгжүүлээд зогсохгүй, Монгол нутаг дээр Counter-Strike 2-ын маш том тэмцээн зохион байгуулагдах тэрхүү түүхэн мөчийг улам бүр ойртуулж байна.
Та бүхэн Монголд мажор түвшний тэмцээн үзэхэд бэлэн үү?
The MongolZ: “Бид бэлэн, The MongolZ бэлэн, Монголын хөгжөөн дэмжигчид бүр ч илүү бэлэн байна. Харин та бүхэн бэлэн үү?”
