Цахим спортын CS2 төрлийн нэртэй шинжээч Алекс “Maiusnake” Элленберг тун удахгүй болох “IEM Cologne Major 2026” тэмцээнийг угтан энэ оны шилдэг тоглогчдын хувийн чансааг шинэчлэн танилцууллаа. Түүний гаргасан жагсаалтын эхний аравт дэлхийн шилдэг Team Falcons, Team Spirit, Team Vitality, Natus Vincere (NaVi), FURIA багийн гишүүд давамгайлсан бол Монголын “The MongolZ” багийн авьяаслаг тоглогч Б.Өсөхбаяр дэлхийн шилдэг 20 тоглогчийн нэгээр зүй ёсоор нэрлэгдсэн байна.
Шинжээчийн нэрлэсэн 2026 оны шилдэг 20 тоглогч
| Эрэмбэ | Тоглогчийн нэр | Эрэмбэ | Тоглогчийн нэр |
| 1 | Матье “ZywOo” Эрбо | 11 | Данил “molodoy” Голубенко |
| 2 | Данил “donk” Крышковец | 12 | Никола “NiKo” Ковач |
| 3 | Шахар “flameZ” Шушан | 13 | Өсөхбаяр “910” Банзрагч |
| 4 | Илья “m0NESY” Осипов | 14 | Никита “HeavyGod” Мартыненко |
| 5 | Робин “ropz” Коль | 15 | Виктор “Staehr” Штер |
| 6 | Кайке Сильва “KSCERATO” Серато | 16 | Игорь “w0nderful” Жданов |
| 7 | Дмитрий “sh1ro” Соколов | 17 | Али “Wicadia” Хайдар Ялчин |
| 8 | Дрин “makazze” Шакири | 18 | Лотан “Spinx” Гилади |
| 9 | Максим “kyousuke” Лукин | 19 | Дориан “xertioN” Берман |
| 10 | Валерий “b1t” Ваховский | 20 | Лав “phzy” Смидебрант |
“910” буюу Б.Өсөхбаяр гэж хэн бэ?
Өдгөө 23 настай Өсөхбаяр “910” Банзрагч нь өөрийн гайхалтай мэргэн буудлага, асар хурдтай хариу үйлдэл, тоглолтын нарийн мэдрэмж болон багтаа хожил авчирдаг шийдвэрлэх клач (clutch) үеүдийн итгэлтэй байдлаараа олон улсад хэдийнээ үнэлэгдсэн. Түүний тоглолтын арга барилыг шинжээчид хатуу ширүүн атлаа маш тайван хэмээн тодорхойлдог бөгөөд ямар ч хүчтэй өрсөлдөгчийн эсрэг сэтгэл зүйгээ барьж, тоглолтын хувь заяаг өөрийн талд эргүүлж чаддаг давуу талтай.
Түүний замналын онцлох үйл явдлууд:
- Замналын эхлэл: 2022 оноос мэргэжлийн кибер спортын гараагаа эхлүүлж, “Born in Mongolia”, D13, “Clutch Gaming” зэрэг дотоодын багуудад тоглож байв.
- Дэлхийн тавцанд: 2023 онд Монголын тэргүүлэгч “The MongolZ” багт шилжсэнээр олон улсын томоохон тэмцээнүүдэд цахиур хагалах болсон.
- Түүхэн амжилт: Тэрбээр дэлхийн шилдэг багууд цугласан “YaLLa Compass 2024” тэмцээний Шилдэг тоглогч буюу MVP (Most Valuable Player)-оор шалгарч байсан түүхтэй.
The MongolZ-ийн ивээн тэтгэгчээр 1xBet ажилладаг бөгөөд баг олон улсын тавцанд Монголын цахим спортын нэр хүндийг үргэлжлүүлэн гаргасаар байна.
