Legacy баг Парист болж буй “Esports World Cup” тэмцээнээс “Natus Vincere” буюу NAVI багийг 2:0-ийн харьцаатайгаар мултлан хаслаа. Тэд энэ үеэр тэмцээний түүхэн дэх хамгийн гайхалтай хувийн тоглолтуудын нэгийг үзүүлсэн юм. Одоо Бразилын баг шөвгийн наймд Falcons багтай тоглоно.
Inferno: w0nderful-ийн ганцаарчилсан тэмцэл
Legacy өөрсдийн сонгосон газрын зураг дээр эхнээсээ л илүүрхэж, 10:2-оор тэргүүлж эхэлсний дараа л NAVI өөрсдийн тоглолтоо олж эхэлсэн. w0nderful эргэн ирэлт хийх (камбэк) оролдлогын баатар болж, тоглолтыг 24-14 гэсэн харьцаатай дуусгасан бөгөөд хоёр дахь гар бууны үед Glock-оор эйс хийж NAVI-д найдвар төрүүлж, дараа нь AWP-ээр 1v3 клатч хийн Legacy-ийн довтолгоог түр зогсоосон юм. Гэвч NAVI-ийн бусад тоглогчид түүнийг дэмжиж чадсангүй. Ялангуяа makazze хамгаалалтын талд тун тааруу тоглож, эхний хагасыг 3-11-ээр дуусгасан тул Legacy-ийн бий болгосон онооны зөрүүг нөхөх боломжгүй байв. Ийнхүү газрын зураг 13:9 харьцаатайгаар өндөрлөлөө.
Ancient: n1ssim санаачилгыг гартаа авав
Хоёр дахь газрын зураг бараг эхэлмэгцээ л шийдэгдсэн гэхэд болно. Legacy дахин 10:2-оор илүүрхсэн бөгөөд энэ удаад NAVI-аас хэн ч хариу үйлдэл үзүүлж чадсангүй. Үүний гол шалтгаан нь n1ssim байлаа. Бразил залуу тоглолтыг 23-6 харьцаатай, 150 ADR-тай дуусгаж, газрын зураг 13:2-оор өндөрлөв. Тэрээр эхний гар бууны үед 1v2 клатч авч, Legacy эхний хагаст давамгайлсны дараа хоёр дахь гар бууны үед 4 алалт хийсэн юм. Энэ нь бүх үзүүлэлтээрээ түүний карьерын хамгийн шилдэг газрын зураг байсан бөгөөд тус өдөр b1t л NAVI-ийн тоглогчдоос ямар нэгэн эсэргүүцэл үзүүлсэн цорын ганц хүн байлаа.
Цаашид юу хүлээж байна вэ
Шөвгийн наймд Legacy багийн өрсөлдөгч нь тэмцээний фаворит болох Falcons байх болно. Эдгээр багууд хамгийн сүүлд өнгөрөгч 5 дугаар сард болсон “CS Asia Championships”-ийн финалд таарахад Legacy 3:1-ээр хожиж байв. VRS-ийн чансаагаар хэдийгээр хол зөрүүтэй мэт харагдаж байгаа ч энэхүү өмнөх үр дүн нь Бразилчуудад сэтгэл зүйн давуу тал олгох нь гарцаагүй. Харин шинэчилсэн бүрэлдэхүүнтэйгээрээ болгоомжтой хүлээлт үүсгээд байсан NAVI баг энэ удаагийн тэмцээнд дорвитой ул мөр үлдээж чадалгүйгээр нутаг буцаж байна.
