Данийн кибер тамирчин байгууллагадаа сүүлийн удаа тусламжийн гар сунгаж байна. Astralis багийн зүгээс Stake Ranked Episode 5 тэмцээний үлдсэн тоглолтуудад Jakob “jabbi” Nygaard-ийг орлон тоглогчоор ашиглах болсноо албан ёсоор мэдэгдлээ. Хэдийгээр багийн мэдэгдэлд түүнийг хэний оронд тоглохыг тодорхой дурдаагүй боловч, HLTV-ийн авсан мэдээллээр тэрээр Никита “cmtry” Самолотовыг орлох аж. Ингэснээр Украины тоглогч тус багийн бүрэлдэхүүнд таван тоглолт гүйцээж хийх боломжгүй болж байна.
Багийн албан ёсны мэдэгдэлд дурдсанаар: “Маргааш Барселона хотод болох Stake Ranked тэмцээний үлдсэн тоглолтуудад jabbi манай бүрэлдэхүүнд буцаж ирж байна. Тэр нисэх онгоцны буудлаас шууд ирж, маш богино хугацааны мэдэгдэлээр нэгдэж байна.”
Мөн нэмж хэлэхдээ: “Э-спортод хэзээ ч уйдах мөч байдаггүй, харин jabbi энэ шийдвэрлэх мөчид туслахаар гарч ирснээр тэр яг ямар мэргэжлийн хүн болохыг харуулж байна. Зөвхөн хүндэтгэл.”
Major-ийн урилга болон бүрэлдэхүүний өөрчлөлт
Энэхүү гэнэтийн солилцоо нь Astralis багийн хувьд Major тэмцээний эрхтэй холбоотой үүссэн хүндрэлийг даван туулах гарц болж байна. Өмнө нь тус баг 10-р сарын 13-нд Rasmus “HooXi” Nielsen болон jabbi нарыг Kamil “siuhy” Szkaradek болон cmtry нараар солих шийдвэр гаргаад байсан билээ.
Нөхцөл байдлыг харвал, cmtry нь FUT багийн VRS бүрэлдэхүүнд албан ёсны бүртгэлтэй хэвээр байгаа. FUT баг PGL Masters Бухарест тэмцээнд Алваро “SunPayus” Гарсиатай хамт 3-0 харьцаатайгаар амжилттай тоглосон нь түүнийг FUT-ийн үндсэн бүрэлдэхүүнд оруулах нөхцөлийг бүрдүүлэх магадлалтай байв. Хэрэв FUT хагас шигшээд ялагдсан тохиолдолд cmtry дахин Astralis-ийн нэрийн өмнөөс нэг тоглолт хийх шаардлага гарах байлаа.
Нэг тоглогч хоёр өөр багийн бүрэлдэхүүнд зэрэг бүртгэлтэй байх нь яг аль баг нь урилга авахыг тодорхойгүй болгодог. Энэхүү ээдрээтэй байдал нь Astralis төдийгүй FUT багийн Major тэмцээнд уригдах магадлалд шууд эрсдэл учруулж байсан юм.
Ийнхүү сүүлийн мөчид jabbi багтаа эргэн нэгдсэнээр FUT хагас шигшээд хожигдлоо ч cmtry хоёр багт зэрэг харьяалагдах асуудлаас бүрэн сэргийлж, Astralis-т шаардлагатай баталгааг бий болгож байна. Astralis багийн тухайд Stake Ranked тэмцээний эхний тоглолтдоо fnatic-т дийлдсэн бөгөөд лхагва гарагт magic багтай доод хэсэгт (lower bracket) тэмцээнд үлдэх шийдвэрлэх тоглолтоо хийх болно.
Astralis багийн Барселона дахь бүрэлдэхүүн
Тэмцээний үлдсэн хугацаанд тус баг дараах тоглогчидтойгоор өрсөлдөнө:
- Love “phzy” Smidebrant
- Victor “Staehr” Staehr
- Гитис “ryu” Глушаускас
- Камил “siuhy” Скарaдек
- Якоб “jabbi” Нюгаард (орлон тоглогч)
- Филип “NEO” Кубски (дасгалжуулагч)
