Бразилын кибер спортын FURIA байгууллага эмэгтэй Counter-Strike багаа татан буулгаж, бүрэлдэхүүнээ бүхэлд нь VALORANT руу шилжүүлж байгаагаа албан ёсоор зарлалаа. Ийнхүү эмэгтэй CS-ийн салбар олон жилийн турш шилдэгт тооцогдож байсан дахин нэг нэр хүндтэй багаа алдаж байна.
Дэлхийн аваргын статустай шилжилт
FURIA 2020 онд анхны эмэгтэй багаа бүрдүүлснээс хойш ESL Impact S7 Finals-д түрүүлж дэлхийн аварга болсноос гадна Rainhas do Clutch, BGS Esports Female, GC Masters Feminina V зэрэг томоохон тэмцээнд аваргалж байв. Байгууллагын албан ёсны мэдэгдэлд “CS-д бид ирсэн, харсан, ялсан. Одоо ижил эрч хүчээр FURIAVAL Inclusive нэртэйгээр шинэ төрөлд өрсөлдөх болно” хэмээн онцолжээ.
Эмэгтэй CS-ийн салбарын кризис
ESL байгууллага өнгөрсөн оны 10-р сард эмэгтэйчүүдийн гол тэмцээн болох ESL Impact цувралаа бүрэн зогсоосон нь тус салбарт том цохилт болсон юм. Тэмцээн уралдаан цөөрснөөс үүдэж нөхцөл байдал хүндэрснийг дараах өөрчлөлтүүд харуулж байна:
- Люсия “lulitenz” Дубра: FURIA-ийн аргентин тоглогч CS-ийн замналаа бүрэн өндөрлүүлж байгаагаа зарлав.
- Мейлин “ASTRA” Шамплио: 2025 оны дэлхийн шилдэг эмэгтэй CS2 тоглогч тэмцээний ховордолтын улмаас өмнө нь VALORANT руу шилжсэн.
- FURIA fe: Дэлхийн аваргын титмээ хамгаалах тэмцээнгүй болсноор шинэ дисциплинийг сонголоо.
2 comments
Эмэгтэй бага хүмүүс CS2-оос илүү Valorant руу шилжих нь ихсээд байх шиг байна
Valorant-ын эмэгтэй тэмцээнүүд аргагүй л илүү шагналтай, сайн зохион байгуулалттай байдаг юм аа