Riot Games VALORANT Champions Tour 2027-ийн талаар шинэ мэдээлэл танилцуулж, ирэх улирлын тэмцээнүүдийг ямар хотуудад зохион байгуулахыг зарлалаа.
VCT 2027 шинэчилсэн бүтэцтэй болох бөгөөд Kickoff, Cups, Masters, Champions шатуудаас бүрдэх юм. Хамгийн том өөрчлөлт нь багууд нээлттэй шалгаруулалтаар дамжин тир-1 түвшний тэмцээнд оролцох боломжтой болж байгаа явдал юм.
VCT Americas, EMEA болон Pacific бүсийн Kickoff шатанд тус бүр 12 баг өрсөлдөнө. Үүнд найман партнер баг болон нээлттэй шалгаруулалтаар эрх авсан дөрвөн баг багтана. Үүний дараа партнер багууд ч дараагийн тэмцээнүүдэд оролцохын тулд шалгаруулалт давах шаардлагатай болох ч бусад багаас илүү хожуу шатнаас өрсөлдөөнөө эхлүүлэх юм.
VCT 2027 тэмцээний хуваарь
VCT Kickoff 2027 — 1-р сарын 14-нөөс 2-р сарын 7
- Americas — Сан-Паулу, Бразил
- EMEA — Берлин, Герман
- Pacific — Бангкок, Тайланд
- China — Ханжоу, Хятад
VCT Cup 1 2027 — 4-р сарын 29-нөөс 5-р сарын 23
- Americas — Мехико, Мексик
- EMEA — Варшав, Польш
- Pacific — Манила, Филиппин
- China — Ухань, Хятад
VCT Cup 2 2027 — 8-р сарын 5-29
- Americas — Рио-де-Жанейро, Бразил
- EMEA — Истанбул, Турк
- Pacific — Токио, Япон
- China — Шанхай, Хятад
Олон улсын тэмцээнүүдийн хуваарь
- VALORANT Masters Seoul — 2-р сарын 20-ноос 3-р сарын 3
- VALORANT Masters Valencia — 6-р сарын 5-20
- VALORANT Champions Austin — 9-р сарын 16-наас 10-р сарын 10
VCT Open нь тодорхой улс эсвэл бүсийн хүрээнд зохион байгуулагдах бүс нутгийн тэмцээнүүд юм. Тухайлбал, Европт 2027 онд Europe, MENA, Turkey гэсэн гурван бүс байх бөгөөд эдгээр тэмцээнээр дамжин Kickoff болон Cup тэмцээнд оролцох эрх авах боломжтой байна.
