21
Өнөөдөр шөнө буюу тавдугаар сарын 19-нд “Valve” компани “Counter-Strike 2” тоглоомд зориулсан жижиг хэмжээний шинэчлэлт гаргалаа. Энэхүү шинэчлэлтээр тоглолтыг ажиглах горимыг сайжруулж, “Cache” газрын зургийн зарим алдааг зассан байна.
Ажиглагчийн горим (Spectator)
- Пост-процессинг (post-processing — дүрслэлийн дараах боловсруулалт) өөр өөр тохиргоотой газрын зургууд дээр ажиглагч тоглогчоо солих үед дүрс гацах асуудлыг шийдвэрлэв.
- Ажиглагч өөр тоглогч руу шилжих үед рентген харагдац гацаж үлддэг байсан алдааг заслаа.
- Ажиглагчдад харагддаг тоглогч гэмтэл авах үеийн эффектийн давхцалыг зассан байна.
Бусад өөрчлөлтүүд
- Тоглоомд
weapon_accuracy_stack_boost_limit(үндсэн утга нь “2”) гэсэн шинэ тушаал нэмэгдэв. Ингэснээр хоёр болон түүнээс олон тоглогч бие бие дээрээ гарч зогсох үед шатан дээр байгаа мэт бууны цэц алдагдах тохиргоо үйлчилнэ. - AWP бууны бэлэн байдалд шилжих хөдөлгөөний (animation) шилжилтийг жигдлэв.
- Үсрэлттэй гранат шидэх (jump-throw) үйлдлийн тогтвортой байдлыг сайжруулж, урьдчилан харах камерын нарийвчлалыг дээшлүүлсэн байна.
Газрын зургууд
Cache:
- Цонхны хаалтны моделийг шинэчилснээр буудах үед сум тусах болон мөр үлдэхээр болгов.
- Цонх, цонхны хаалт болон агааржуулалтын хоолойн оролтын орчимд тоглогч болон гранат тээглэх, нэвтрэх (clipping) тохиргоог зассан байна.
