Шанхай хотод болох “VALORANT Champions 2026” наадамд дэлхийн шилдэг 16 баг өрсөлдөх гэж байгаа ч энэ оны тэмцээнд хэд хэдэн томоохон фаворит, түүхэн шилдэг багууд шалгарч чадсангүй. “Masters London” тэмцээний аварга Аргентины “Leviatán” баг “VCT Americas Stage 2” тэмцээнд 5-6-р байр эзэлснээр тэмцээнийг өнжихөөр болсон бол, хамгийн том шуугиан нь “Fnatic” баг түүхэндээ анх удаа дэлхийн аваргад шалгарч чадаагүй явдал байв. Олон удаагийн EMEA-ийн аварга тэд энэ онд олон улсын ямар ч тэмцээнд оролцож чадалгүй, багийн гол тоглогчид болох Жейк “Boaster” Гаулетт, Эмир “Alfajer” Бедер нарын хувьд замналдаа анхны ийм бүтэлгүйтлийг амслаа.
Бүсийн тэмцээнүүдийн уналт ба Азийн грандуудын зогсонги байдал
Испанийн “Team Heretics” баг “VCT EMEA Stage 1”-д түрүүлсэн ч “Play-In” шатнаас хасагдсанаар 2023 оноос хойш анх удаа тус тэмцээнийг өнжиж байна. Мөн “Sentinels” баг энэ улиралд “VCT Americas”-ийн плей-оффын шатанд ганц ч удаа шалгарч чадаагүй уналтад оржээ. Азийн бүсээс Солонгосын “DRX” баг түүхэндээ анх удаа дэлхийн аваргыг өнжиж байгаа бөгөөд Ким “MaKo” Мён Гван замналдаа анх удаа дэлхийн аваргад оролцох боломжгүй болов. Түүнчлэн “Gen.G Esports” баг 2024 онд оргил амжилтаа үзүүлснээс хойш тогтвортой тоглолт үзүүлж чадахгүй байсаар хоёр жил дараалан “Champions” тэмцээнийг өнжиж байна.
