TYLOO баг VCT China 2026 Stage 2 тэмцээний аваргаар тодорлоо. Тэд гранд финалд JD Gaming-ийг 3:1 харьцаатай хожиж, VALORANT Champions 2026 дэлхийн аваргад оролцох эрхээ баталгаажуулсан байна.
Энэ нь TYLOO байгууллагын VALORANT төрлөөр оролцох анхны олон улсын тэмцээн болох юм.
Хятадын бүсээс дөрвөн баг Champions-д оролцоно
VALORANT Champions 2026-д VCT China бүсийг дараах дөрвөн баг төлөөлнө:
- TYLOO
- JD Gaming
- EDward Gaming
- XLG Esports
TYLOO-ийн аварга болох зам плей-оффын доод хүснэгтээр үргэлжилсэн. Баг хэсэгтээ хоёрдугаар байр эзэлж, шууд плей-оффт шалгарсан ч JD Gaming-д хожигдсоноор доод хүснэгт рүү унажээ.
Хасагдахад ойрхон нөхцөлд TYLOO дараалан All Gamers, Nova Esports, Bilibili Gaming багуудыг хожсон байна. Улмаар шийдвэрлэх тоглолтод JD Gaming-ээс хариугаа авч, аваргын цом хүртлээ.
JD Gaming-ийн хувьд хэсгийн шатанд тавдугаар байр эзэлж, Play-In шатнаас тэмцээнээ эхлүүлсэн ч финал хүртэл хүчтэй явсан. Гранд финал дахь ялагдал нь тэдний энэ тэмцээн дэх ердөө хоёр дахь хожигдол болсон байна.
Шанхайд дэлхийн шилдгүүдтэй өрсөлдөнө
Хэдийгээр TYLOO болон JD Gaming байгууллагууд олон улсын VALORANT тайзан дээр дебют хийх гэж байгаа ч бүрэлдэхүүнд нь туршлагатай тоглогчид бий. TYLOO-ийн капитан буюу IGL Pong “SiuFatBB” Ka Hei өмнө нь Wolves-ийн бүрэлдэхүүнд Masters Toronto 2025-д оролцож байжээ.
Мөн TYLOO-ийн бүрэлдэхүүнийг CS:GO-ийн экс тоглогч Sun “slowly” Kelun хүч нэмсэн байна. Харин JD Gaming-д SiuFatBB-ийн Wolves дахь хуучин багийн анд Huang “Yuicaw” Yung-chieh тоглодог.
VALORANT Champions 2026 тэмцээн 2026 оны 9-р сарын 24-нд Шанхайд эхэлнэ. Хятадын бүсийн дөрвөн төлөөлөгч дэлхийн шилдэг 12 багийн эсрэг аваргын цомын төлөө өрсөлдөх юм.
