12
Хятадын Гуанжоу хотод зохион байгуулагдах CS2-ийн “XSE Pro League 2026” тэмцээний эхний оролцогчдын нэрс тодорхой боллоо. Тус тэмцээнд нийт 16 баг өрсөлдөхөөс одоогоор 6 баг нь тодорсон бөгөөд үлдсэн урилгуудыг зургаадугаар сарын 4-ний өдрийн VRS чансааны дагуу багуудад тараах аж.
Тэмцээний нийт шагналын сан $1,000,000 бөгөөд үүнийг тоглогчид болон клубуудад тус бүр $500,000-оор хэсэгчлэн хувааж олгох юм байна. Тэмцээний ялагч баг $200,000-ийн шагнал хүртэхээс гадна тухайн багийн клуб нэмэлтээр $60,000-ийн урамшуулал авах ажээ.
Уг тэмцээн долоодугаар сарын 1-нээс 12-ны хооронд үргэлжлэх бөгөөд дараах хоёр шаттайгаар явагдана:
- Хэсгийн шат: Долоодугаар сарын 1-нээс 5-ны өдрүүдэд швейцар системээр явагдаж, шилдэг 8 баг дараагийн шатанд шалгарна.
- Плей-офф: Хасагдах шатны шийдвэрлэх тоглолтууд долоодугаар сарын 9-нөөс 12-ны өдрүүдэд зохион байгуулагдана.
Эхний оролцогч багууд:
- Legacy
- bb team
- 9z
- Alliance
- EYEBALLERS
- Ninjas in Pyjamas
