“Electronic Arts” компани “Battlefield 6” болон “REDSEC” төслүүддээ зориулан 1.3.3.0 хувилбарын томоохон шинэчлэлтийг танилцууллаа. Энэхүү патчаар зэвсгийн тэнцвэржилтийг бүрэн өөрчилж, сүлжээний алдаануудыг зассанаас гадна тоглогчдод зориулсан цоо шинэ контентуудыг багтаажээ.
Бууны тулаан болон сүлжээний шинэчлэлт
Хөгжүүлэгчид зэвсгийн буцалт, сумын сарнилт, хурд болон учруулах хохирлын хэмжээг бүрэн эргэж харсан байна. Үүний үр дүнд буудалцаан илүү бодит, тактикийн шинжтэй болсон гэж студийнхэн онцоллоо. Мөн тоглогчдын дунд ихээхэн шүүмжлэгддэг байсан сүлжээний холболтыг (netcode) дараах байдлаар сайжруулжээ:
- Суманд өртсөн тооцоолол илүү хурдан бүртгэгдэнэ
- Өрсөлдөгчдийн байршлын синхрончлолыг сайжруулсан
- Хамгаалалтын ард нуугдсан хойноо амиа алдах тохиолдлыг бууруулсан
- Техник хэрэгсэл, Портал горим, интерфейс болон хиймэл оюун ухаант ботуудын ажиллагааг зассан
Шинэ контент ба тоглоомын горимууд
Шинэ патчийн үйл ажиллагаанууд албан ёсоор нээгдлээ. Үүнд “Wet Work” хэмээх ангуучлах эсвэл ан болох сэдэвтэй ивэнт, “Tactical Obliteration” горим, мөн REDSEC доторх ботуудтай богино хугацааны дөрвөлсөн багийн тулаан бүхий “Casual Battle Royale” багтаж байна. Түүнчлэн тоглогчид “EOD Bot Arm” хэмээх ойрын зайн шинэ зэвсгийг тулаанд ашиглах боломжтой болов.
Долоо хоногийн турш үнэгүй тоглох боломж
Шинэчлэлттэй зэрэгцэн EA компани “Battlefield 6”-г үнэгүй тоглуулах урамшууллыг эхлүүллээ. Тоглогчид “Railway to Golmud”, “Cairo Bazaar” зэрэг 4 өөр газрын зураг дээр 5 горимоор өөрсдийгөө сорих боломжтой. Үүний тулд “Battlefield REDSEC”-ийн үнэгүй клиент болон сүүлийн патчийг суулгасан байх шаардлагатай бөгөөд нэг EA хаягаар нэг л удаа идэвхжүүлэх эрхтэй юм.
