24
Цахим спортын CS2 төрлийн “The MongolZ” баг үндсэн бүрэлдэхүүний шинэ тоглогчид болох Чимэдцэрэнгийн “tikuak” Золбаяр болон Ирээдүйн “DarkMeister” Дугарсүрэн нарыг сэлгээний сандалд шилжүүлж буйгаа албан ёсоор мэдэгдлээ. Ингэснээр тэдний багийн үндсэн гараанд тоглосон хоёр сарын хугацаатай идэвхтэй үе дуусгавар болж байна.
Монголын баг сүүлийн үед олон улсын тэмцээнүүдэд тааруу үр дүн үзүүлсэн нь уг шийдвэрийг гаргахад голлон нөлөөлжээ. Тэд “Esports World Cup” (EWC) тэмцээнд 9-16-р байрт орсон бол “FISSURE Playground 3” тэмцээнээс сүүлчийн байраар мултарсан юм.
Тэмцээний үзүүлэлт болон дараагийн төлөвлөгөө:
- Тоглогчдын статистик: “tikuak” болон “DarkMeister” нар тус багийн хамтаар нийт 9 тоглолтод өндөр зэрэглэлийн багуудын эсрэг өрсөлдөхдөө дунджаар 0.91 болон 0.92 рейтингтэй тоглосон.
- Түр орлон тоглогч: “FISSURE Playground 3” тэмцээнд Сөдбаатарын “Techno” Мөнхболдын оронд Ууганбаярын “cobrazera” Анарбилэг оролцсон билээ.
- Дараагийн сорилт: Багт бүрэлдэхүүнээ эргэн бүрдүүлж, бэлтгэлээ хангахад нэг сар гаруйн хугацаа үлдсэн бөгөөд тэдний дараагийн тэмцээн 10 дугаар сарын хоёрдугаар хагаст болох “PGL Masters Bucharest 2026” юм.
“The MongolZ” багийн одоогийн бүрэлдэхүүн:
- Үндсэн тоглогчид: Бямбасүрэнгийн “bLitz” Гаридмагнай, Банзрагчийн “910” Өсөхбаяр, Мөнхболдын “Techno” Сөдбаатар
- Дасгалжуулагч: Баянбатын “maaRaa” Эрдэнэдалай
- Сэлгээний сандалд: Ирээдүйн “DarkMeister” Дугарсүрэн, Чимэдцэрэнгийн “tikuak” Золбаяр, Ууганбаярын “cobrazera” Анарбилэг
