Aurora плей-ин шатанд хүлээж байна
StarSeries Fall 2026 үндсэн тэмцээнд хүрэх Европын хаалттай шалгаруулалтын хоёр дахь өдөр өндөрлөлөө. A хэсэгт Дамьян “kyxsan” Стоилковскийн удирдсан шинэчлэгдсэн Aurora баг амжилттай эхэлж, K27 болон Nemesis-ийг дараалан хожсон байна.
Aurora Nuke дээр бүрэн давамгайлж, K27-ийн эсрэг 13:3, Nemesis-ийн эсрэг 13:2-оор ялсан ч цувралууд тийм амар байсангүй. Баг хоёр тоглолтод хоёуланд нь өрсөлдөгчийн map pick-ийг алдсан юм. K27-ийн эсрэг тэд Mirage дээр 11:13-аар хожигдсон ч Anubis 13:8, Nuke 13:3-аар эргэн ирэв. Nemesis-ийн эсрэг Nuke 13:2-оор эхэлж, Dust2 дээр 14:16-аар ялагдсан ч Mirage дээр 13:6-аар цувралыг дуусгалаа.
Хоёр тоглолтын дундаж үзүүлэлтээр Жимми “Jimpphat” Сало 1.27 рейтингтэйгээр Aurora-ийн шилдэг тоглогч болсон бол Исмаилджан “XANTARES” Дьорткардеш 0.90 рейтингтэйгээр багийнхаа хамгийн доод үзүүлэлттэй тоглогчоор өдөр өндөрлүүлжээ. Aurora одоо бямба гарагт эхлэх плей-ин шатны өрсөлдөгчөө хүлээнэ.
Nemesis Aurora-тай тоглохын өмнө Infinite-ийг 2:1-ээр хожсон байна. Харин өнөөдөр A хэсэгт K27 болон Infinite багууд хасагдах тоглолтод таарна.
Astralis HOTU-д драмтайгаар хожигдов
B хэсэгт гол анхаарал Astralis болон HOTU-ийн тоглолт дээр төвлөрлөө. Дат баг хоёр map дээр хоёуланд нь comeback хийх боломж гаргасан ч эцэстээ 0:2-оор ялагдсан байна. Cache дээр Astralis довтолгоонд 3:9-өөр хоцорч эхэлсэн ч тоглолтыг нэмэлт үед хүргээд 14:16-аар хожигдов. Ancient дээр ч тэд 5:7-оор хагасаа дуусгаж, дахин overtime гаргасан ч 13:15-аар дийлдлээ.
Виктор “Staehr” Стер 1.33 дундаж рейтинг, 48 kill-тэйгээр тоглолтын хамгийн сайн статистиктай тоглогч болсон ч энэ нь Astralis-ийг аварч чадсангүй. Өнөөдөр B хэсэгт HEROIC болон FOKUS багууд хасагдах тоглолт хийнэ.
D хэсэгт Ninjas in Pyjamas 100 Thieves-ийг ширүүн өрсөлдөөний дараа 2:1-ээр хожлоо. Inferno дээр 10:13-аар хожигдсон NIP Nuke 13:9, Anubis 13:10-аар эргэн ирсэн байна. Тоглолтын шилдэг нь NIP-ийн поляк тоглогч Каспер “xKacpersky” Габар болж, 1.44 рейтинг болон 59 kill авсан юм.
Мөн Echo баг Nuclear TigeRES-ийг 2:0-ээр бут ниргэж, Nuke дээр 13:5, Anubis дээр 13:3-аар ялжээ. Өнөөдөр D хэсгийн ялагчийг Ninjas in Pyjamas — Echo тоглолтоор тодруулах бол 100 Thieves болон Nuclear TigeRES хасагдах шатанд таарна.
C хэсэгт хоёр дахь өдөр тоглолт явагдаагүй. Харин өнөөдөр Walczaki болон 3DMAX багууд Elimination match-д өрсөлдөх юм.
