Sony компанийн гүйцэтгэх захирал Хироки Тотоки PlayStation-д зориулсан биет (дискэн) тоглоомуудаас татгалзах тухай мэдэгдлийн дараахан өөрийн эзэмшиж байсан компани дахь хувьцааныхаа тал гаруй хувийг заржээ.
Удирдах албан тушаалтнуудын хувьцааны борлуулалт
АНУ-ын Үнэт цаас, биржийн хорооны (SEC) баримт бичгээс үзвэл, Тотоки 7-р сарын 3-нд 225,000 ширхэг хувьцааг нэг бүрийг нь 21.02 доллароор худалдаж, ойролцоогоор 4.7 сая доллар олсон байна. Энэ нь түүний эзэмшиж байсан хувьцааны 56 орчим хувь бөгөөд хэлцлийн дараа түүнд 173,250 ширхэг хувьцаа үлджээ.
Түүнээс гадна, Sony-ийн Стратеги хариуцсан захирал Тошимото Митомо өөрийн эзэмшлийн 18 орчим хувь болох 25,000 ширхэг хувьцаагаа 525 мянга гаруй доллароор зарсан байна.
Эдгээр борлуулалтыг үл харгалзан Sony-ийн хувьцааны ханш үргэлжлэн өссөөр байгаа бөгөөд одоогоор 21.20 доллар орчимд арилжаалагдаж байна. Энэ нь мэдэгдэл гарснаас хойшхи нэг долоо хоногийн хугацаанд ханш 6 орчим хувиар өссөн үзүүлэлт юм.
Хэрэглэгчдийн эсэргүүцэл ба “Don’t Kill the Disc”
Сануулахад, 7-р сарын 1-нд Sony компани 2028 оны 1-р сараас эхлэн биет тоглоом үйлдвэрлэхээ зогсоох төлөвлөгөөгөө зарласан билээ. Энэ нь тоглоомын хорхойтнуудын дунд ихээхэн эсэргүүцэл дагуулж, “Don’t Kill the Disc” нэртэй өргөх бичигт аль хэдийн 216 мянга гаруй хүн гарын үсэг зураад байна. Одоогоор компани хэрэглэгчдийн зэмлэл шүүмжлэлд албан ёсны хариу өгөөгүй байна.
