Бразилын “Legacy” баг “FISSURE Playground 3” тэмцээний гранд-финалд “G2” багийг хожиж цом хүртсэнээс гадна дэлхийн VRS (Valve Regional Standings) чансааны 2 дугаар байрт ахилаа. Энэ нь тус багийн түүхэн дэх хамгийн өндөр үзүүлэлт юм. Бразилчууд 1,873 оноогоор “Team Spirit” багийн ард бичигдэж, “MOUZ” болон “Falcons” багуудыг гүйцэн урд нь гарлаа.
Дэлхийн шинэ ТОП-10 чансаа
“Spirit” баг 2,029 оноогоор хүснэгтийг тасралтгүй тэргүүлсээр байна. Харин 2-оос 5 дугаар байрын төлөөх өрсөлдөөн тун ширүүн байгаа бөгөөд “Legacy” (1,873)-гийн араас “MOUZ” (1,866), “Falcons” (1,863) болон “FUT” (1,809) багууд ердөө 43 онооны зөрүүтэй жагсаж байна.
Дэлхийн шинэчилсэн ТОП-10 баг:
- Spirit – 2,029 оноо
- Legacy – 1,873 оноо
- MOUZ – 1,866 оноо
- Falcons – 1,863 оноо
- FUT – 1,809 оноо
- Vitality – 1,800 оноо
- G2 – 1,775 оноо (финалд хүрсэн ч 7-рт бичигдэв)
- FURIA – 1,747 оноо
- 9z – 1,558 оноо
- BB – 1,550 оноо
Бухарестын тэмцээний өмнөх чухал ач холбогдол
“PGL Masters Bucharest” тэмцээн нь Сингапурын Мэйжор тэмцээний урилга олгох шалгуур зааг хаагдахаас өмнөх Tier-1 ангилалтай сүүлчийн арга хэмжээ тул багуудын хувьд чансааны оноогоо ахиулах хамгийн хариуцлагатай тулаан болох юм.
“Legacy” дэлхийн 2 дахь шилдэг багаар очих нь тэдний хэсгийн хуваарилалт болон сугалаанд томоохон давуу тал болно. Харин ТОП-10-т багтаж буй “BB”, “9z” зэрэг багуудын хувьд Бухарестад амжилттай тоглож чадвал Мэйжорын шууд урилга авах боломжтой болно. Харин чансааны доогуур бичигдэж буй багуудын хувьд энэ нь сүүлчийн боломж байх магадлалтай.
