Gamescom 2026 үзэсгэлэнгийн үеэр PUBG: Battlegrounds-ийн хөгжүүлэгч Krafton студи шинэ төсөл болох “PUBG Ded.Net”-ийг албан ёсоор танилцууллаа. Энэ нь анхны PUBG-ийн ертөнцөд өрнөх боловч тоглоомын явц, визуал хэв маягийн хувьд огт өөр чиглэлтэй олон тоглогчийн first-person шутер юм.
Шинэ бүтээл нь PUBG-ийн танил милитарист хэв маягаас татгалзаж, 1990-ээд оны өнгөлөг панк уур амьсгалд төвлөрсөн байна.
“PUBG Ded.Net”-ийн үйл явдал Каскадиа нэртэй зохиомол бүс нутагт өрнөнө. Дебют трейлерт неон өнгө, өвөрмөц хувцаслалт, хоёр гараар буудах эффекттэй тулаануудыг харуулжээ. Трейлерийн үеэр Ministry хамтлагийн “Jesus Built my Hotrod” дуу эгшиглэсэн нь тоглоомын хурдтай, эмх замбараагүй, панк өнгө аясыг улам тодруулсан байна.
Roguelite-прогресс гол онцлог болно
Тоглоомын үндсэн онцлог нь сонгодог шутер механикийг roguelite-прогресстой хослуулсан явдал юм.
Хөгжүүлэгчдийн хэлснээр, ийм формат нь тоглогчдод байнга туршиж үзэх, өөрчлөгдөж буй нөхцөлд дасан зохицох, урьдчилан таамаглахад хэцүү ертөнцөд өөрийн стратегийг бүрдүүлэх боломж олгоно.
Krafton “PUBG Ded.Net”-ийн хаалттай бета тестийн бүртгэлийг аль хэдийн нээсэн байна. Тоглоомыг турших боломж авахын тулд хэрэглэгчид идэвхтэй Krafton аккаунттай байх шаардлагатай.
Мөн албан ёсны сайтад хүлээлгийн жагсаалтад бүртгүүлж, урилга баталгаажуулсан имэйл хүлээх ёстой. Хаалттай бета тест яг хэзээ эхэлж, хэзээ дуусах нь одоогоор зарлагдаагүй байна. Гэхдээ оролцогчдын тоо хязгаартай тул хөгжүүлэгчид тоглогчдыг аль болох эрт бүртгүүлэхийг зөвлөжээ.
Релизийн огноо, платформууд зарлагдаагүй байна
“PUBG Ded.Net”-ийн албан ёсны гарах огноо болон зорилтот платформуудын жагсаалт одоогоор тодорхой болоогүй байна. Гэсэн ч шинэ шутер “PUBG: Battlegrounds”-тай ижил платформууд дээр гарах магадлалтай гэж үзэж байна.
