6 дугаар сарын 11-ний өдөр “IEM Cologne Major 2026” тэмцээний шийдвэрлэх гуравдугаар шат (Stage 3) эхэлнэ. Энэхүү шатанд өмнөх даваануудыг амжилттай туулсан багууд дээр тэмцээний гол фаворитууд нэгдэж, жинхэнэ ширүүн тулааныг эхлүүлэх юм. Тэмцээний эхний тойргийн тоглолтууд “best-of-3” (гурван газрын зургийн шилдэг) форматаар явагдах бөгөөд хуваарийг Улаанбаатарын цагаар хөрвүүлэн хүргэж байна.
Stage 3 шатны тоглолтуудын хуваарь (Улаанбаатарын цагаар)
17:00 цагаас:
- PARIVISION vs 9z
- The MongolZ vs BetBoom
19:30 цагаас:
- Vitality vs FUT
- MOUZ vs Legacy
22:00 цагаас:
- Falcons vs G2
- FURIA vs B8
00:30 цагаас (6 дугаар сарын 12):
- Natus Vincere vs Spirit
- Aurora vs Monte
Эхний өдрийн онцлох тулаанууд
Нээлтийн тойргийн хамгийн гол үйл явдал бол аваргын титмийн төлөөх гол өрсөлдөгчид болох NAVI болон Spirit багуудын зарчмын том тулаан байх болно. Тэмцээний плей-офф, магадгүй их финалыг ч чимж чадахуйц энэхүү супер тоглолт шууд эхний шатанд таарсан нь киберспорт сонирхогчдыг туйлын ихээр догдлуулж байна.
Түүнчлэн Falcons болон G2 багуудын хэн нь илүү вэ гэдгийг харах тулаан, мөн Stage 2 шатыг амжилттай даван гарч ирсэн Украины B8 баг болон Бразилын FURIA нарын тоглолт цахим орчинд ихээхэн хүлээлт үүсгээд байгаа юм.
Stage 3-ын эхний раунд плей-оффт шалгарахын төлөөх тэмцлийн ерөнхий өнго төрхийг тодорхойлох бөгөөд энд авсан хожил бүр “IEM Cologne Major 2026” тэмцээний цомыг өргөх замнал дахь хамгийн чухал алхам болно.
