G2 Esports BLAST Open Porto 2026 тэмцээний хэсгийн шатны доод хүснэгтэд Natus Vincere-ийг 2:0 харьцаатай хожиж, NAVI-г тэмцээнээс хаслаа. Тоглолт Ancient дээр 13:6, Inferno дээр 13:10 гэсэн дүнтэй өндөрлөсөн байна.
Цуврал NAVI-ийн сонгосон Ancient map-аар эхэлсэн ч G2 эхний хагаст тоглолтыг бүрэн хяналтдаа авч, хамгаалалтын талдаа 9:3-аар тэргүүлжээ. Natus Vincere force-buy ялсны дараа эргэн ирэхийг оролдсон ч Микита “HeavyGod” Мартиненкогийн 1v3 clutch G2-д зургаан map point авчирч, улмаар 13:6-аар ялалт байгуулсан байна.
G2 доод хүснэгтийн финалд шалгарлаа
Inferno дээр G2 довтолгооны талдаа давамгайлж, 10:4 хүртэл тасарсан ч хамгаалалтад шилжсэний дараа асуудалтай тулгарчээ. NAVI оноог 10:11 хүртэл ойртуулсан ч Неманья “huNter-” Ковачийн баг сүүлийн раундуудыг авч, цувралыг хаасан байна. Энэхүү ялалтын ачаар G2 доод хүснэгтийн финалд шалгарч, плей-оффын эрхийн төлөө Aurora — M80 хосын ялагчтай тоглохоор боллоо.
NAVI-ийн хувьд энэ нь дараалан хоёр дахь удаагаа хэсгийн шатнаас хасагдсан тохиолдол болов. Багийн капитан Алексей “Aleksib” Виролайнен тоглолтын дараах ярилцлагадаа бүрэлдэхүүнд уялдаа холбоо дутагдаж байгааг хүлээн зөвшөөрч, зургаан долоо хоногийн бэлтгэлийн үр дүн хангалтгүй байсан гэж мэдэгджээ.
Одоо NAVI дараагийн тэмцээн болох StarLadder StarSeries Fall 2026-д бэлтгэх хоёр долоо хоногтой үлдэж байна. Тус тэмцээн 9-р сарын 17-нд эхлэх юм.
