Falcons байгууллага Dota 2-ын бүрэлдэхүүнээ тарааж, тус төрлөөс гарахаар болсноо зарлалаа. Байгууллага шинэ ростер бүрдүүлэхээр төлөвлөөгүй байна.
Багийн бүрэлдэхүүнийг 2023 оны сүүлээр байгуулсан бөгөөд 1030 хоногийн турш нэг ч тоглогчийн солилцоо хийгээгүй юм. Энэ хугацаанд Falcons хэд хэдэн нэр хүндтэй цом хүртсэн бөгөөд хамгийн том амжилт нь The International 2025-д түрүүлсэн явдал байв. Тус тэмцээний финалд Falcons Xtreme Gaming-ийг 3:2 харьцаагаар хожжээ.
Хамтдаа тоглосон хугацаандаа бүрэлдэхүүн нийт 7 332 665 ам.долларын шагналын мөнгө олсон байна. Falcons-ийн бусад амжилтад ESL One Birmingham болон DreamLeague-ийн улирлуудад түрүүлсэн явдал багтана. Мөн тус баг Dota 2-ын түүхэнд тоглолтоор 500 ялалт байгуулсан анхны баг болсон өвөрмөц рекордыг эзэмшдэг.
Энэ бүрэлдэхүүний оролцсон сүүлчийн томоохон тэмцээн нь The International 2026 байв. Falcons тус тэмцээнд 7–8 дугаар байр эзэлсэн. Баг дээд сеткэд Nigma Galaxy-д ялагдаж, дараа нь Team Liquid-д хожигдон тэмцээнээ өндөрлүүлжээ.
Falcons байгууллага Dota 2 дахь замналаа “гайхалтай аялал” хэмээн тодорхойлж, тоглогчид, ажилтнууд болон хөгжөөн дэмжигчдэдээ хамтдаа өнгөрүүлсэн мөчүүдийн төлөө талархал илэрхийлсэн байна.
Тоглогчдын цаашдын төлөвлөгөөний талаар байгууллага одоогоор мэдээлэл өгөөгүй байна.
