Канадын киберспортын алдартай байгууллага болох “Luminosity Gaming” долоон жилийн дараа Counter-Strike-ын тавцанд дуулиантайгаар эргэн ирлээ. Тэд Украины “Monte” клубийн дөрвөн тоглогчийг өөрийн эгнээнд нэгтгэсэн төдийгүй Valve-ын дэлхийн чансааны 17 дугаар байрыг нь албан ёсоор шилжүүлэн авсан байна. “Monte” багийн тамирчдын гэрээ дуусгавар болж байсан тул тэд өөрсдийн хүсэлтээр ийнхүү клубийн хаягаа солих шийдвэр гаргажээ.
Шинэ дебют ба ахлагчийн өөрчлөлт
Шинэчлэгдсэн бүрэлдэхүүн өнөөдөр Хятад улсад зохиогдож буй “XSE Pro League 2026” тэмцээний хүрээнд “Nemesis” багийн эсрэг анхны албан ёсны тоглолтоо хийнэ. Багийн ахлагчийн үүргийг Бразил тоглогч Лукас “lux” Менегини гүйцэтгэхээр болжээ. Тэрээр өмнө нь тоглож байсан Британийн Жек “Gizmy” фон Спрекельсенийг орлож байгаа бөгөөд “Gizmy”-гийн хувьд “100 Thieves” баг руу шилжих цуу яриа гараад байна.
Дэлхийн аваргын түүхт өв
Сануулахад, “Luminosity Gaming” бол CS-ын түүхэнд тод мөрөө үлдээсэн домогт багуудын нэг юм. Тэд тэртээ 2016 онд Габриэль “FalleN” Толедогийн ахлагч дор “MLG Columbus 2016” Major тэмцээнд гайхамшгийг бүтээж, дэлхийн аварга болж байсан түүхтэй билээ. Долоон жилийн дараа шинэ залуу цусаар сэлбэгдсэн тус баг урьдын амжилтаа давтаж чадах эсэхийг харах л үлдлээ.
“Luminosity Gaming” клубийн албан ёсны шинэ бүрэлдэхүүн:
- Лукас «lux» Менегини (Ахлагч)
- Ауримас «Bymas» Пипирас
- Оскар «AZUWU» Белл
- Орельен «afro» Драпье
- Алекс «Rainwaker» Петров
