2
Valve компани Counter-Strike 2 тоглоомд ээлжит шинэчлэлтээ гаргалаа. Энэ удаад хөгжүүлэгчид тоглолтын бичлэг (demo) үзэх системийг сайжруулах болон тоглоомын жижиг техникийн алдаануудыг засахад гол анхаарлаа хандуулжээ.
Интерфэйсийн өөрчлөлтүүд (UI):
- Демо болон дахин давталт ачааллах явцыг харуулах тусгай үзүүлэлт (progress bar) нэмэгдэв.
- Камерын удирдлагыг “товшоод чирэх” (click-and-drag) системтэй болголоо.
- Демо бичлэгийн үеэр чөлөөт камер (free camera) болон дагах камеруудыг ашиглах боломжтой болсон.
- Демо файлын тодорхой цаг хугацаа руу ухрааж, гүйлгэхэд гардаг байсан зарим жижиг асуудлуудыг засав.
Бусад өөрчлөлтүүд:
- Тоглолтын серверийн раундын нөөц файлуудыг ашиглахад “-allow_round_backup_files” эхлүүлэх түлхүүр код шаардлагатай болсон.
- AUG бууны зогсож болон явган сууж сумлах (reload) хөдөлгөөнт дүрсийг шинэчлэгдсэн сумлах хугацаанд нийцүүлэн зассан.
- Тоглогчдын ашиглаж болох радио командуудыг тодорхой нэгдсэн жагсаалтад оруулав.
- CS2 Workshop хэрэгсэлд “toolsskybox_occluder” шинэ материалыг нэмсэн.
- “Vulkan” рендерерийн системийн тогтвортой ажиллагааг сайжруулжээ.
