Ubisoft шинэчлэгдсэн Rainbow Six Siege X тоглоомыг албан ёсоор танилцууллаа

Rainbow Six Siege X нэртэй шинэ хувилбар өнөөдөр буюу зургадугаар сарын 10-нд албан ёсоор нээлтээ хийлээ. Ubisoft энэхүү шинэчлэлээр график дүрслэл, дууны эффект, тоглоомын механик зэрэг олон зүйлд сайжруулалт хийснээ зарласан байна.

Шинэчилсэн хувилбарын онцлогууд

• График болон аудио сайжруулалт: Тоглогчид илүү бодит мэт мэдрэмж авах бөгөөд шинэчлэгдсэн хөдөлгөөнт дүрс, сайжруулсан орчны эффект нэмэгджээ.
• Тоглоомын шинэ механик: Байлдааны тактик, ур чадвар илүү гүнзгий шатанд хөгжиж, тоглоомын тэнцвэржүүлэлт шинэ түвшинд хүрсэн.
• Шинэ тоглоомын горим — Dual Front: Энэхүү шинэ тактиклаг горим нь тоглогчдод хоёр талын фронтоор давшилт, хамгаалалт хийх боломж олгож байна.

Үнэгүй болон премиум эрхийн ялгаа

Ubisoft тоглоомын үндсэн горимуудыг үнэгүй болгожээ, гэхдээ рангтай тоглоомуудын хувьд төлбөртэй гишүүнчлэл шаардлагатай болсон байна.

Үнэгүй хэрэглэгчид дараах боломжуудтай:

• Шуурхай тоглолтын горим
• Шинэ Dual Front горим
• Бусад ранкгүй тоглолтууд
• Эхэндээ 26 төрлийн оператор нээлттэй байх бөгөөд бусдыг нь аажмаар тайлж авах эсвэл худалдан авах боломжтой

Премиум хэрэглэгчдэд дараах нэмэлт давуу талууд бий:

• Ранктай тоглолтын эрх
• Siege Cup тэмцээнд оролцох эрх
• Илүү олон оператор шууд нээх боломж

Ubisoft-ийн энэхүү шинэчлэл Rainbow Six цувралын ирээдүйн хөгжлийг тодорхойлох чухал алхам болохоор байна.