16
“Esports World Cup 2026” тэмцээний шууд урилга (direct invite)-ын сүүлчийн хоёр эрхийг шийдэх, мөн VRS чансаанд чухал нөлөө үзүүлэх ач холбогдолтой “Stake Ranked Episode 2” тэмцээний эхний өдрийн тоглолтууд өндөрлөлөө.
Тоглолтуудын үр дүн:
- 3DMAX 0:2 magic Эхний тоглолтод 3DMAX болон magix багууд учраа тааран тоглолоо. Хоёр дахь мап болох Inferno дээр нэмэлт цаг (overtime) сунгасан ширүүн өрсөлдөөний эцэст magic баг 2:0-ээр илүүрхэж, дээд хүснэгт (upper bracket)-ийн хагас шигшээд шалгарлаа.
- HEROIC 0:2 Ninjas in Pyjamas Тэмцээний хоёр дахь өрсөлдөөнд NIP баг Nuke мап дээр 13:7, Mirage мап дээр 13:9-ийн харьцаатайгаар HEROIC-ийг 2:0-ээр буулган авч, хүснэгтийг тэргүүлэн цааш алхлаа. Уг тоглолтын шилдэг тоглогчоор 1.85-ын өндөр үнэлгээ, 49-20 гэсэн гайхалтай K/D (алсан/үхсэн харьцаа) үзүүлэлттэйгээр Мартин “stavn” Лунд тодорлоо. stavn нь энэ оны дөрөвдүгээр сард NIP багт нэгдсэн бөгөөд идэвхгүй жагсаалтад шилжсэн Украины тамирчин Артем «r1nkle» Морозыг орлосон юм.
- FaZe 2:0 Alliance Гурав дахь тулаанд FaZe Clan-ийн ахлагч Рассел “Twistzz” Ван Далкен гайхалтай перформанс үзүүлэв. Тэрээр 1.70 гэсэн фэнүүдийг алмайруулсан үнэлгээгээр тоглолтын шилдэг тоглогч болж, багтаа 2:0-ийн харьцаатай цэвэр ялалт авчирлаа.
- Sharks 2:1 9z Эхний тоглолтын өдрийн хаалтыг хийж Бразилын Sharks болон Америкийн 9z багууд учраа таарсан юм. HLTV чансааны 50-д эрэмбэлэгддэг “Акулууд” (Sharks) чансааны 21-д бичигддэг хүчирхэг өрсөлдөгчийнхөө эсрэг ширүүн тэмцэж, тэнцүүхэн өрсөлдөөний эцэст 2:1-ээр дуулиантай ялалт байгууллаа.
Ийнхүү эхний өдөр ялалт байгуулсан багууд дээд хүснэгтийн хагас шигшээ рүү дэвшиж байгаа бол ялагдсан багууд тэмцээнээс хасагдах эрсдэлтэй доод хүснэгт (lower bracket) рүү унаж байна.
