Krafton компани 2026 оноос эхлэн PUBG: Battlegrounds-ийн мэргэжлийн талбарыг гуравдагч этгээдийн харагдац буюу TPP горимд шилжүүлэхээр болсноо зарлалаа. Хөгжүүлэгчид ирэх жилийн тэмцээнүүдийн төлөвлөгөөг танилцуулах үеэрээ энэ тухай мэдэгдсэн байна.
Яагаад ийм шийдвэр гаргав?
“Хэдийгээр нэгдүгээр биеийн харагдац (FPP) нь манай мэргэжлийн талбарын суурийг тавьсан ч, тоглогчдын PUBG тоглох арга барил болон PUBG Esports-ыг үзэх мэдрэмж хоорондоо хэтэрхий хол зөрүүтэй байгааг бид сонссон. TPP руу шилжсэнээр энэ хоёр туршлагыг ойртуулж байна: тоглогчдын тоглох дуртай зүйл нь тэдний үзэх дуртай зүйлтэй нийцэх ёстой. Энэ нь тоглоомыг дэлхийн олон хүмүүст илүү хүртээмжтэй, ойлгомжтой, сонирхолтой болгох зорилготой бөгөөд ингэхдээ манай тэмцээний ур чадвар, гүн гүнзгий байдлыг алдагдуулахгүй” гэж Krafton мэдэгджээ.
2026 оны тэмцээний төлөвлөгөө
2026 онд нийт 14 тэмцээн зохион байгуулахаар төлөвлөснөөс:
- 12 тэмцээн нь PUBG Global Series (PGS)-ийн хүрээнд болно.
- PUBG Nations Cup (Улс орнуудын аварга шалгаруулах тэмцээн).
- Жилийн эцсийн хамгийн том тэмцээн болох PUBG Global Championship.
Мөн Krafton компани шагналын санг нэмэгдүүлж, түнш багуудын санхүүгийн дэмжлэгийг өсгөхөөр төлөвлөж байгаа аж.
